കറാച്ചി: യാത്രക്കിടെ ലോക്കോ പൈലറ്റിന് തൈര് വാങ്ങാനായി ട്രെയിന് നിര്ത്തി ഇറങ്ങിപ്പോയ സംഭവത്തിന്റെ വീഡിയോ സോഷ്യല് മീഡിയയില് വൈറലായി. ലാഹോറില് നിന്ന് കറാച്ചിയിലേക്ക് പോയ ലോക്കല് ട്രെയിനാണ് കന്ഹ റെയില്വേ സ്റ്റേഷന് സമീപം നിര്ത്തിയിട്ട ശേഷം ലോക്കോ പൈലറ്റ് തൈര് വാങ്ങാന് പോയത്. ലോക്കോ പൈലറ്റ് തൈര് വാങ്ങി വരുന്നത് യാത്രക്കാരില് ഒരാള് ഷൂട്ട് ചെയ്ത് സോഷ്യല് മീഡിയയില് പോസ്റ്റ് ചെയ്യുകയായിരുന്നു. തൈര് വാങ്ങാന് ഒരു ലോക്കോ പൈലറ്റിന് ട്രെയിന് നിര്ത്താന് കഴിയുന്ന പാകിസ്ഥാന് റെയില്വേയുടെ അവസ്ഥയാണിതെന്നും ആ വ്യക്തി പറയുന്നു.
വീഡിയോ വൈറലായതോടെ ലോക്കോ പൈലറ്റ് റാണാ മുഹമ്മദ് ഷെഹ്സാദിനെയും സഹായി ഇഫ്തിഖര് ഹുസൈനെയും സസ്പെന്ഡ് ചെയ്യാന് പാകിസ്ഥാന് റെയില്വേ മന്ത്രി അസം ഖാന് സ്വാതി ഉത്തരവിട്ടു.
