ഊട്ടി: രാജ്യത്തെ ഏറ്റവും ഉന്നതനായ സൈനിക ഉദ്യോഗസ്ഥനായ സംയുക്ത സൈനിക മേധാവി ബിപിന് റാവത്തും ഭാര്യ മാദുലിക റാവത്തും അടക്കം ഉള്പ്പെട്ട ഹെലികോപ്റ്റര് അപകടത്തിനു പിന്നാലെ ഇവരുടെ വസതിയിലെത്തി പ്രതിരോധ മന്ത്രി രാജ്നാഥ് സിങ്ങും സുരക്ഷ ഉപദേഷ്ടാവ് അജിത് ദോവലും. അഞ്ചു മിനിറ്റ് നേരം ചെലവഴിച്ച ശേഷം ഇവര് പാര്ലമെന്റിലേക്ക് മടങ്ങി. പാര്ലമെന്റിലായിരിക്കും അപകടം സംബന്ധിച്ചും റാവത്തിന്റെ അവസ്ഥ സംബന്ധിച്ചുമുള്ള പ്രതിരോധ മന്ത്രിയുടെ നിര്ണായക പ്രസ്താവന.
അതേസമയം, കോപ്റ്ററില് ഉണ്ടായിരുന്ന പതിനാലില് പതിനൊന്ന് പേരും മരിച്ചെന്ന് സ്ഥിരീകരിച്ചു. മൂന്നു പേര് അതീവ ഗുരുതരാവസ്ഥയിലാണ്. പരുക്കേറ്റവരെ എല്ലാം വെല്ലിങ്ടണ് സൈനിക ആശുപത്രിയിലാണ് പ്രവേശിപ്പിച്ചത്. പ്രതിരോധ മന്ത്രി രാജ്നാഥ് സിങ് സംഭവ സ്ഥലത്തേക്ക് തിരിക്കാന് പദ്ധതിയിട്ടിരുന്നെങ്കിലും അത് ഒഴിവാക്കി, വ്യോമസനേ മേധാവിയെ അങ്ങോട്ടേക്ക് അയട്ടു. ഉന്നത പദവിയില് ഇരിക്കുന്ന വ്യക്തി ഉള്പ്പെട്ട അപകടമായതിനാല് അതീവ ഗുരുതരമായാണ് കേന്ദ്രസര്ക്കാര് ഇക്കാര്യം കൈകാര്യം ചെയ്യുന്നത്. അപകടത്തില് വ്യോമസേന അന്വേഷണം പ്രഖ്യാപിച്ചു. റാവത്തും ഭാര്യയും സഹായിയും അടക്കം 14 പേരാണ് എംഐ 17വി5 കോപ്റ്ററില് ഉണ്ടായിരുന്നത്. നാട്ടുകാരാണ് ആദ്യമെത്തി രക്ഷാപ്രവര്ത്തനം നടത്തിയത്. തമിഴ്നാട്ടിലെ കോയമ്പത്തൂരിനും സൂളൂരിനുമിടയില് സൈനിക ഹെലികോപ്റ്റര് തകര്ന്നുവീണത്. വിവരം അറിഞ്ഞെത്തിയ സൈന്യം സംഭവ സ്ഥലം സീല് ചെയ്തു.
അപകടത്തില്പെട്ടവരുടെ പട്ടിക-
ബിപിന് റാവത്ത്
മാധുലിക റാവത്ത്
ബ്രിഗേഡിയര് എല്.എസ്. ലിദ്ദെര്
ഹര്ജിന്ദര് സിങ്
ഗുര്സേവക് സിങ്
ജിതേന്ദ്ര കുമാര്
വിവേക് കുമാര്
സായി തേജി
സത്പാല്
