ചടയമംഗലം: ചടയമംഗലം-പോരേടം റോഡിലെ അപകടപരമായ കുഴികള്‍ യാത്രക്കാര്‍ക്ക് തലവേദനയാകുന്നു. റോഡില്‍ കുഴികളുണ്ടായി മാസങ്ങള്‍ കഴിഞ്ഞിട്ടും ഇക്കാര്യത്തില്‍ അധികൃതരുടെ ഇടപെടീലുകള്‍ ഉണ്ടാകാത്തില്‍ പ്രതിഷേധത്തിലാണ് നാട്ടുകാരും ചടയമംഗലത്തെ ഓട്ടോറിക്ഷാ തൊഴിലാളികളും.
ജലഅതോറിറ്റിയുടെ പൈപ്പ് പൊട്ടി വെള്ളം റോഡിലൂടെ ഒഴുകാന്‍ തുടങ്ങി മാസങ്ങള്‍ക്ക് ശേഷമാണ് ഇവിടെ പൈപ്പ് ലൈന്‍ ശരിയാക്കിയത്. ഇത്തരത്തില്‍ പൈപ്പ് പൊട്ടി വെള്ളം റോഡിലൂടെ ഒഴുകിയതിനെത്തുടര്‍ന്ന് കുഴികള്‍ രൂപപ്പെടുകയായിരുന്നു. ഈ കുഴികളില്‍ ചടയമംഗലത്തെ ഓട്ടോ തൊഴിലാളികള്‍ ചേമ്പ് വച്ച് പ്രതിഷേധിച്ചുവെങ്കിലും യാതൊരു വിധ നടപടികളും അധികൃതര്‍ കൈക്കൊണ്ടിട്ടില്ലായെന്ന ആക്ഷേപമാണ് ഉയരുന്നത്.
പ്രതികരിക്കാൻ ഇവിടെ എഴുതുക: