കൊല്ലം: ഓഡിറ്റ് പൂര്ത്തിയാക്കേണ്ടത് ദേവസ്വം ബോര്ഡിന്റെ ചുമതലയാണെന്നും കാലതാമസത്തിന്റെ പേരില് ജീവനക്കാരുടെ ശമ്പളം തടഞ്ഞുവയ്ക്കുന്നത് നീതീകരിക്കാനാവില്ലെന്നും സംസ്ഥാന മനുഷ്യാവകാശ കമ്മീഷന് അംഗം വി.കെ. ബീനാകുമാരി. ഒരു മാസത്തിനുള്ളില് ഓഡിറ്റ് പൂര്ത്തിയാക്കി പരാതിക്കാരനായ കൊട്ടാരക്കര അറയ്ക്കല് സബ് ഗ്രൂപ്പില് ഇരുമ്പുഴിക്കുന്ന് ദേവസ്വത്തില് നിന്നും വിരമിച്ച കെ. വിശ്വനാഥപിള്ളക്ക് ലഭിക്കേണ്ട എല്ലാ ആനുകൂല്യങ്ങളും നല്കണമെന്ന് കമ്മീഷന് ഉത്തരവില് പറഞ്ഞു.
2018 മേയ് 26 മുതല് 2020 മാര്ച്ച് 3 വരെയുള്ള ഓഡിറ്റ് കഴിയാത്തതുകൊണ്ട് പരാതിക്കാരന്റെ അവസാനമാസ ശമ്പളം നല്കാന് കഴിഞ്ഞിട്ടില്ലെന്ന് റിപ്പോര്ട്ടില് പറയുന്നു. ഡിഎ കുടിശിക കൂടി തനിക്ക് നല്കാനുണ്ടെന്ന് പരാതിക്കാരന് അറിയിച്ചു. കുടിശിക ഒരു മാസത്തിനകം നല്കിയ ശേഷം വിവരം കമ്മീഷനെ രേഖാമൂലം അറിയിക്കണമെന്നും തിരുവിതാംകൂര് ദേവസ്വം ബോര്ഡ് സെക്രട്ടറിക്ക് നല്കിയ ഉത്തരവില് പറയുന്നു.
