കൂത്താട്ടുകുളം: പൂജ ബമ്പര്‍ ഒന്നാംസമ്മാനമായി അഞ്ചു കോടി രൂപ അടിച്ചത് ലോട്ടറി ലോട്ടറി കച്ചവടക്കാരന് തന്നെ. കിഴകൊമ്പ് മോളെപറമ്പില്‍ ജേക്കബ് കുര്യന് (യാക്കോബ്) ആണ് ആ ഭാഗ്യവാന്‍. തന്റെ പക്കല്‍ വിറ്റു പോകാതിരുന്ന ടിക്കറ്റിനാണ് ഒന്നാം സമ്മാനം. വിവരം നേരത്തേ അറിഞ്ഞിരുന്നെങ്കിലും ബാങ്കിലെ സാങ്കേതിക കാര്യങ്ങള്‍ എല്ലാം പൂര്‍ത്തിയാക്കിയ ശേഷമാണ് വിവരം പുറത്തറിയിച്ചത്. ആര്‍എ 591801 നമ്പര്‍ ടിക്കറ്റിനാണ് ഒന്നാം സമ്മാനം ലഭിച്ചത്.
പതിനഞ്ചുവര്‍ഷമായി ലോട്ടറി വില്‍ക്കുന്ന ജേക്കബ് കുര്യന് ഇതിനുമുമ്പ് വിറ്റ ടിക്കറ്റുകള്‍ക്ക് ഒന്നരലക്ഷം രൂപവരെ സമ്മാനം അടിച്ചിട്ടുണ്ടെങ്കിലും ആദ്യമായാണ് ഇത്ര വലിയ തുക സമ്മാനമായി ലഭിക്കുന്നത്.
തിരുവനന്തപുരം ജില്ലാ ഭാഗ്യക്കുറി ഓഫീസില്‍നിന്ന് കൂത്താട്ടുകുളത്തെ ലോട്ടറി വ്യാപാരിയുടെ ഏജന്‍സിയാണ് ടിക്കറ്റ് എടുത്തത്. ഒരാഴ്ചമുമ്പ് മൊത്തവ്യാപാരി സിയാന്റെസില്‍നിന്ന് 10 ടിക്കറ്റിന്റെ ബുക്ക് ജേക്കബ് കുര്യന് വാങ്ങി. ഇതില്‍ വിറ്റു പോകാതിരുന്ന ടിക്കറ്റാണ് ജേക്കബ് കുര്യന് ഭാഗ്യം എത്തിച്ചത്.
പ്രതികരിക്കാൻ ഇവിടെ എഴുതുക: