തെലുങ്ക് സൂപ്പര്‍ സ്റ്റാര്‍ നാനിയെ നായകനാക്കി രാഹുല്‍ സംകൃത്യന്‍ സംവിധാനം ചെയ്യുന്ന ഏറ്റവും പുതിയ ചിത്രവുമാണ് ശ്യാം സിങ്ക റോയി. നിഹാരിക എന്റര്‍ടെയ്ന്‍മെന്റിന്റെ ബാനറില്‍ വെങ്കട്ട് ബോയ്‌നപ്പള്ളിയാണ് നിര്‍മാണം. കൃഷ്ണകാന്തിന്റെ വരികള്‍ക്ക് സംഗീതം പകര്‍ന്നിരിക്കുന്നത് മിക്കി ജെ. മെയര്‍ ആണ്. വിശാല്‍ ദാദ്ലാനി, അനുരാഗ് കുല്‍കാര്‍ണി, സിസി സുങ് എന്നിവര്‍ ആലപിച്ച ഗാനം ഇതിനോടകം പ്രേക്ഷകര്‍ ഏറ്റെടുത്തു കഴിഞ്ഞു.
ശ്യാം സിങ്ക റോയിയായി നാനിയെത്തുന്ന പോസ്റ്റര്‍ മികച്ച രീതിയിലാണ് ചെയ്തിരിക്കുന്നത്. ദേശീയ പുരസ്‌കാര ജേതാവ് കൃതി മഹേഷും കഴിവുള്ള കലാകാരന്‍ യാഷ് മാസ്റ്ററുമാണ് ചിത്രത്തിലെ ഗാനരംഗങ്ങള്‍ക്ക് വേണ്ടി നൃത്തം ചിട്ടപ്പെടുത്തിയിരിക്കുന്നത്. മറ്റു ഭാഷകളില്‍ റിലീസാവുന്നതുകൊണ്ട് തന്നെ എല്ലാ ഭാഷകളിലും ആരാധകരുള്ള നായികമാരെയാണ് ചിത്രത്തിനുവേണ്ടി തിരഞ്ഞെടുത്തിട്ടുള്ളത്. സായി പല്ലവി, കൃതി ഷെട്ടി, മഡോണ സെബാസ്റ്റ്യന്‍ എന്നിവരാണ് നായികമാര്‍. മലയാളത്തിലും തമിഴിലും കന്നടയിലും നാനിക്ക് നിറയെ ആരാധകരുണ്ടെന്ന് ഇതിനോടകം തെളിയിച്ചിട്ടുമുണ്ട് താരം. ചിത്രത്തിനുവേണ്ടി വിഎഫ്എക്‌സ് ചെയ്യുന്നത് വളരെ മികച്ച രീതിയില്‍ തന്നെയാണ്.
രാഹുല്‍ രവീന്ദ്രന്‍, മുരളി ശര്‍മ്മ, അഭിനവ് ഗോമതം, ജിഷു സെന്‍ ഗുപ്ത, ലീലാ സാംസണ്‍, മനീഷ് വാദ്വ, ബരുണ്‍ ചന്ദ എന്നിവരാണ് മറ്റു അഭിനേതാക്കള്‍. ക്യാമറ ചെയ്യുന്നത് സനു ജോണ്‍ വര്‍ഗീസുമാണ്. എഡിറ്റിങ്-നവീന്‍ നൂലി, ആക്ഷന്‍- രവി വര്‍മ്മ, പ്രൊഡക്ഷന്‍ ഡിസൈനര്‍-അവിനാശ് കൊല്ല, എക്‌സിക്യൂട്ടീവ് പ്രൊഡ്യൂസര്‍-എസ്. വെങ്കട്ട രത്‌നം, നൃത്ത സംയോജനം-കൃതി മഹേഷ്, യാഷ്, മീഡിയ മാര്‍ക്കറ്റിങ്- വൈശാഖ് സി. വടക്കേ വീട് എന്നിവരാണ് മറ്റു അണിയറ പ്രവര്‍ത്തകര്‍
പ്രതികരിക്കാൻ ഇവിടെ എഴുതുക: