ന്യൂദല്ഹി: ഇന്ത്യന് ആരോഗ്യ സംരക്ഷണ മേഖല നേടിയ ആഗോള വിശ്വാസം സമീപകാലത്ത് ഇന്ത്യയെ ‘ലോകത്തിന്റെ ഫാര്മസി’ എന്ന് വിളിക്കുന്നതിലേക്ക് നയിച്ചതായി പ്രധാനമന്ത്രി നരേന്ദ്ര മോദി പറഞ്ഞു.
മഹാമാരി ഫാര്മസ്യൂട്ടിക്കല് മേഖലയെ ശ്രദ്ധയില് കൊണ്ടുവന്നെന്ന് ഫാര്മസ്യൂട്ടിക്കല് മേഖലയിലെ ആദ്യ ആഗോള ഇന്നൊവേഷന് ഉച്ചകോടി ഉദ്ഘാടനം ചെയ്തുകൊണ്ട് മോദി പറഞ്ഞു.
ജീവിതശൈലിയോ, മരുന്നുകളോ, മെഡിക്കല് സാങ്കേതികവിദ്യയോ, വാക്സിനുകളോ ആകട്ടെ, ആരോഗ്യസംരക്ഷണത്തിന്റെ എല്ലാ മേഖലകളും കഴിഞ്ഞ രണ്ട് വര്ഷമായി ആഗോള ശ്രദ്ധ നേടിയിട്ടുണ്ട്. ഈ സാഹചര്യത്തില് ഇന്ത്യന് ഫാര്മസ്യൂട്ടിക്കല് വ്യവസായവും വെല്ലുവിളി ഉയര്ത്തിയതായി പ്രധാനമന്ത്രി പറഞ്ഞു.
ആരോഗ്യത്തെക്കുറിച്ചുള്ള നമ്മുടെ നിര്വചനം ഭൗതികമായ അതിരുകളാല് പരിമിതപ്പെടുത്തിയിട്ടില്ലെന്ന് പ്രധാനമന്ത്രി വിശദീകരിച്ചു. മുഴുവന് മനുഷ്യരാശിയുടെയും ക്ഷേമത്തില് ഞങ്ങള് വിശ്വസിക്കുന്നു. കൂടാതെ, കോവിഡ് 19 ആഗോള മഹാമാരിയുടെ സമയത്ത് ഞങ്ങള് ഈ ആത്മാവിനെ ലോകമെമ്പാടും കാണിച്ചു. പാന്ഡെമിക് സമയത്ത്, ‘മഹാമാരിയുടെ പ്രാരംഭ ഘട്ടത്തില് ഞങ്ങള് 150 ലധികം രാജ്യങ്ങളിലേക്ക് ജീവന്രക്ഷാ മരുന്നുകളും മെഡിക്കല് ഉപകരണങ്ങളും കയറ്റുമതി ചെയ്തു. ഈ വര്ഷം 100 രാജ്യങ്ങളിലേക്ക് 65 ദശലക്ഷത്തിലധികം കോവിഡ് വാക്സിനുകള് ഞങ്ങള് കയറ്റുമതി ചെയ്തിട്ടുണ്ട്,’
മരുന്ന് കണ്ടുപിടിത്തത്തിലും നൂതന മെഡിക്കല് ഉപകരണങ്ങളിലും ഇന്ത്യയെ മുന്നിരയിലാക്കാന് നൂതനമായ ഒരു ആവാസവ്യവസ്ഥ സൃഷ്ടിക്കാനാണ് വിഭാവനം ചെയ്തിട്ടുള്ളതെന്ന് പ്രധാനമന്ത്രി പറഞ്ഞു. . എല്ലാ പങ്കാളികളുമായും വിപുലമായ കൂടിയാലോചനയുടെ അടിസ്ഥാനത്തിലാണ് നയപരമായ ഇടപെടലുകള് നടത്തുന്നതെന്നും അദ്ദേഹം പറഞ്ഞു. വ്യവസായത്തെ കൂടുതല് ഉയരങ്ങളിലെത്തിക്കാന് കഴിവുള്ള ശാസ്ത്രജ്ഞരുടെയും സാങ്കേതിക വിദഗ്ധരുടെയും വലിയൊരു സംഘം ഇന്ത്യയിലുണ്ടെന്ന് പ്രധാനമന്ത്രി ചൂണ്ടിക്കാട്ടി. ‘ കണ്ടുപിടിത്തങ്ങള്ക്കും, ഇന്ത്യയില് നിര്മ്മിക്കുന്നതിനും’ ഈ ശക്തി പ്രയോജനപ്പെടുത്തേണ്ടതുണ്ട്,
. ‘ഇന്ന്, ഇന്ത്യയിലെ 1.3 ബില്യണ് ആളുകള് ഇന്ത്യയെ ആത്മനിര്ഭര് ആക്കുന്നതിന് സ്വയം ഏറ്റെടുത്തിരിക്കുമ്പോള്, വാക്സിനുകള്ക്കും മരുന്നുകള്ക്കുമുള്ള പ്രധാന ചേരുവകളുടെ ആഭ്യന്തര ഉത്പാദനം വര്ദ്ധിപ്പിക്കുന്നതിനെക്കുറിച്ച് നാം ചിന്തിക്കണം. ഇന്ത്യ കീഴടക്കേണ്ട ഒരു മേഖലയാണിത്’, പ്രധാനമന്ത്രി ആഹ്വാനം ചെയ്തു.
‘ ഇന്ത്യയില് ആശയം സ്വരൂപിക്കുക , ഇന്ത്യയില് നവീനാശയങ്ങള് കൊണ്ട് വരൂ , ഇന്ത്യയില് നിര്മ്മിക്കൂ , ലോകത്തിനായി നിര്മ്മിക്കൂ ‘ എന്നിവയിലേക്ക് പ്രധാനമന്ത്രി പങ്കാളികളെ ക്ഷണിച്ചു. നിങ്ങളുടെ യഥാര്ത്ഥ ശക്തി കണ്ടെത്തി ലോകത്തെ സേവിക്കുക, അദ്ദേഹം ഉപസംഹരിച്ചു.
