മലപ്പുറം: മുത്തലാക്ക് ചൊല്ലി ബന്ധത്തില്‍ നിന്ന് പിരിയണമെന്ന് ആവശ്യപ്പെട്ട് നവവരനെ മര്‍ദിച്ച കേസില്‍ 6 പേര്‍ അറസ്റ്റില്‍. കോട്ടക്കല്‍ സ്വദേശി അബ്ദുല്‍ അസീബിനാണ് മര്‍ദ്ദനമേറ്റത്. പിടിയിലായവരില്‍ വധുവിന്റെ പിതാവും അമ്മാവന്മാരും ഉള്‍പ്പെടുന്നു.
ഒന്നര മാസം മുന്‍പാണ് അബ്ദുള്‍ അസീബിന്റെ വിവാഹം കഴിഞ്ഞത്. എന്നാല്‍ അസീബുമായി വഴക്കുണ്ടായതിനെ തുടര്‍ന്ന് ഭാര്യ സ്വന്തം വീട്ടിലേക്ക് തിരിച്ചുപോയിരുന്നു. ഇതിനു പിന്നാലെയാണ് വിവാഹമോചനം ആവശ്യപ്പെട്ട് ബന്ധുക്കള്‍ അസീബിനെ സമീപിച്ചത്. എന്നാല്‍ ഇത് വിസമ്മതിച്ചതോടെ ഭാര്യുടെ പിതാവ് ഉള്‍പ്പെടെയുള്ളവര്‍ തട്ടിക്കൊണ്ടുപോയി മര്‍ദിക്കുകയായിരുന്നു എന്ന് അസീബ് പറയുന്നു.
ഏഴംഗ സംഘമാണ് മര്‍ദ്ദിച്ചത്. കഴുത്തില്‍ കത്തിവെച്ചും ആസിഡ് പ്രയോഗിക്കുമെന്നും പറഞ്ഞ് ഭീഷണിപ്പെടുത്തി. നിലവില്‍ ചോലപ്പുറത്ത് ഷഫീഖ്, ചോലപ്പറത്ത് അബ്ദുല്‍ ജലീല്‍ , അബ്ദുല്‍ മജീദ്, കിഴക്കേപ്പറമ്പന്‍ ഷംസുദ്ദീന്‍, ചോലപ്പുറത്ത് ഷഫീര്‍, മുസ്തഫ എന്നിവരാണ് അറസ്റ്റിലായത്.സംഭവത്തില്‍ ഒരാള്‍കൂടി പിടിയിലാകാനുണ്ട്.
പ്രതികരിക്കാൻ ഇവിടെ എഴുതുക: