ലഖ്‌നൗ: പ്രധാനമന്ത്രി നരേന്ദ്ര മോദിയുടെ ഉത്തര്‍പ്രദേശ് സന്ദര്‍ശനത്തിന്റെ ഭാഗമായി നാളെ സുല്‍ത്താന്‍പൂര്‍ ജില്ലയിലെ കര്‍വാള്‍ ഖേരിയില്‍ പൂര്‍വാഞ്ചല്‍ എക്‌സ്പ്രസ് വേയുടെ ഉദ്ഘാടനം ചെയ്യും. അടിയന്തര സാഹചര്യങ്ങളില്‍ ഇന്ത്യന്‍ വ്യോമസേനയുടെ യുദ്ധവിമാനങ്ങള്‍ ലാന്‍ഡിംഗ്/ടേക്ക് ഓഫ് ചെയ്യുന്നതിനായി സുല്‍ത്താന്‍പൂര്‍ ജില്ലയിലെ എക്‌സ്പ്രസ് വേയില്‍ നിര്‍മ്മിച്ച 3.2 കിലോമീറ്റര്‍ നീളമുള്ള എയര്‍സ്ട്രിപ്പില്‍ ഇന്ത്യന്‍ വ്യോമസേനയുടെ വ്യോമാഭ്യാസത്തിനും പ്രധാനമന്ത്രി സാക്ഷ്യം വഹിക്കും.
പൂര്‍വാഞ്ചല്‍ എക്‌സ്പ്രസ് വേയുടെ നീളം 341 കിലോമീറ്ററാണ്. ഇത് ലഖ്‌നൗ-സുല്‍ത്താന്‍പൂര്‍ റോഡില്‍ (ദേശീയ പാത 731) സ്ഥിതി ചെയ്യുന്ന ചൗദ്‌സാരായി ഗ്രാമത്തില്‍ നിന്ന് ആരംഭിച്ച് യുപിബിഹാര്‍ അതിര്‍ത്തിയില്‍ നിന്ന് 18 കിലോമീറ്റര്‍ കിഴക്കായി ദേശീയ പാത നമ്പര്‍ 31ല്‍ സ്ഥിതി ചെയ്യുന്ന ഹൈദരിയ ഗ്രാമത്തിലാണ് അവസാനിക്കുന്നത്.
എക്‌സ്പ്രസ് വേ 6വരി വീതിയുള്ളതാണ്, അത് ഭാവിയില്‍ 8വരിയായി വികസിപ്പിക്കാം. ഏകദേശം 22500 കോടി രൂപ ചെലവില്‍ നിര്‍മ്മിക്കപ്പെട്ട പുര്‍വാഞ്ചല്‍ എക്‌സ്പ്രസ്‌വേ ഉത്തര്‍പ്രദേശിന്റെ കിഴക്കന്‍ ഭാഗത്തിന്റെ പ്രത്യേകിച്ച് ലഖ്‌നൗ, ബരാബങ്കി, അമേഠി, അയോധ്യ, സുല്‍ത്താന്‍പൂര്‍, അംബേദ്കര്‍ നഗര്‍, അസംഗഡ്, മൗ ,ഗാസിപൂര്‍ എന്നീ ജില്ലകളുടെ സാമ്പത്തിക വികസനത്തിന് ഉത്തേജനം നല്‍കും.
പ്രതികരിക്കാൻ ഇവിടെ എഴുതുക: