ദുബായ്: ടെസ്റ്റ്- ഏകദിന കിരീടങ്ങള് പലതവണ നേടിയ ആസ്ട്രേലിയയ്ക്ക് അന്യമായിരുന്ന ട്വന്റി 20 ലോക കിരീടവും ഇനി സ്വന്തം. ദുബായ് രാജ്യാന്തര ക്രിക്കറ്റ് സ്റ്റേഡിയത്തില് ന്യൂസിലന്ഡിനെ 8 വിക്കറ്റിന് തകര്ത്ത് കന്നി കിരീടം . നാലു തവണ ഫൈനലില് കളിച്ചിട്ടും കിട്ടാതിരുന്ന കിരീടം ഇത്തവണ എന്ന കീവീകളുടെ സ്വപ്നവും പൂവണിഞ്ഞില്ല.
അര്ധ സെഞ്ചുറികള് കടന്ന് തകര്ത്തടിച്ച മിച്ചല് മാര്ഷും(77*) ഡേവിഡ് വാര്ണറും(53) അനായാസ ജയം ആസ്ട്രേലിയയ്ക്ക് സമ്മാനിക്കുകയായിരുന്നു. ന്യൂസിലാന്റ് ഉയര്ത്തിയ 173 റണ്സ് വിജയലക്ഷ്യം 7 പന്ത് ശേഷിക്കെ 18.5 ഓവറില് മറികടന്നു.
50 പന്തില് 77 റണ്സ് എടുത്ത മാര്ഷും 18 പന്തില് 28 റണ്സുമായി മാക്സ് വെലും പുറത്താകാതെ നിന്നു.
രണ്ടു വിക്കറ്റെടുത്ത ട്രന്റ് ബോള്ട്ടുമാത്രമാണ് അടിവാങ്ങാതിരുന്ന കീവി ബൗളര്.
ആദ്യം ഓവറില് ഒരു റണ്സ് മാത്രമേ നേടാനേ സാധിച്ചുള്ളതെങ്കിലും രണ്ടാം ഓവറില് വാര്ണര് നേടിയ രണ്ട് ബൗണ്ടറി ഉള്പ്പെടെ 10 റണ്സ് എടുത്തു.
അടുത്ത ഓവറില് തിരിച്ചടി. ആദ്യ വിക്കറ്റ് വീണു. ന്യൂസിലാന്റ് നായകന് തകര്ത്തടിച്ച കളിയില് ആസ്ട്രേലിയന് നായകന് തകര്ന്നടിഞ്ഞു. ആരോണ് ഫിഞ്ച് ഏഴു പന്തില് 5 റണ്സുമായി പുറത്ത്. ട്രന്റ് ബോള്്ട്ടാണ് വിക്കറ്റെടുത്തത്.ആദം മില്നെ എറിഞ്ഞ നാലാം ഓവറില് ആദ്യപന്ത് സിക്സര് പറത്തിയാണ് മിച്ചല് മാര്ഷ് വരവറിയിച്ചത്. അടുത്ത രണ്ട് പന്തുകളും ബൗണ്ടറിക്കപ്പുറം അടിച്ച മാഷ് പൊരുതാനുറച്ചാണ് എത്തിയതെന്ന് വ്യക്തമാക്കി.
ഏഴാമത്തെ ഓവറില് ഒരു വിക്കറ്റ് നഷ്ടത്തില് ആസ്ട്രേലിയ 50 ല് എത്തി. 10 ഓവര് പൂര്ത്തിയായപ്പോള് അധികവിക്കറ്റ് നഷ്ടമില്ലാതെ 82 ആയിരുന്നു സ്ക്കോര്.
11-ാം ഓവര് എറിഞ്ഞ നീഷാമിന്റെ മൂന്നാമത്തെ പന്ത് സിക്സര് പറത്തി വാര്ണര് അര്ധശതകം തികച്ചു. 34 പന്തില് 51.റണ്സ്. അടുത്ത ഓവറില് കങ്കാരുടീം 100 കടന്നു. വിക്കറ്റ് വീണില്ലങ്കില് എതിരാളികള് അനായാസ ജയം നേടുമെന്ന് ഉറപ്പായതിനാല് കീവീസ് നായകന് ചങ്ക് ബൗളര് ട്രന്റ് ബോള്്ട്ടിനെ പന്ത് ഏല്പിച്ചു. ഫലവും കണ്ടു വാര്ണര് (53) കഌന് ബൗള്ഡ്.
മിച്ചല് മാര്ഷും സിക്സര് പറത്തി അര്ധശതകം പൂര്ത്തിയാക്കി. 31 പന്തില് 53 റണ്സ്. ഫൈനലിലെ ഏറ്റവും വേഗമേറിയ ഫിഫ്റ്റി.
ക്യാപ്റ്റന് കെയ്ന് വില്യംസണിന്റെ വെടിക്കെട്ട് ബാറ്റിങ്ങാണ് ന്യൂസിലന്ഡിന് മികച്ച സ്കോര് സമ്മാനിച്ചത്. ആദ്യം ബാറ്റ്് ചെയ്ത ന്യൂസിലന്ഡ് നാല് വിക്കറ്റിന് 172 റണ്സ് എടുത്തു.
തകര്ത്തടിച്ച വില്യംസണ് 31 പന്തില് അര്ധ സെഞ്ചുറി കുറിച്ചു. ഒടുവില് 48 പന്തില് പത്ത്് ഫോറും മൂന്ന് സിക്സറും സഹിതം 85 റണ്സുമായി മടങ്ങി. ടി 20 ലോകകപ്പില് ഒരു ക്യാപ്റ്റന്റെ ഏറ്റവും ഉയര്ന്ന സ്കോറാണിത്. മുന് ശ്രീലങ്കന് ക്യാപ്റ്റന് കുമാര് സംഗക്കാരയുടെ റെക്കോഡാണ് മറികടന്നത്.
ജിമ്മി നിഷാം ഏഴു പന്തില് 13 റണ്സുമായി പുറത്താകാതെ നിന്നു. ആറു പന്തില് എട്ട്് റണ്്സ് എടുത്ത ടിം സീഫെര്ട്ടും പുറത്തായില്ല.
ടോസ്് നഷ്ടപ്പെട്ട് ബാറ്റ് ചെയ്ത ന്യൂസിലന്ഡിന്റെ തുടക്കം മോശമായി. ഓപ്പണര് ഡാരില് മിച്ചല് പതിനൊന്ന് റണ്സുമായി കളം വിട്ടു. പേസര് ഹെയ്സല്വുഡിന്റെ പന്തില് വിക്കറ്റ വീപ്പര് മാത്യു വെയ്ഡ് മിച്ചലിനെ പിടികൂടി. ആദ്യ വിക്കറ്റ് വീഴുമ്പോള് ന്യൂസിലന്ഡ് സ്കോര് 28. റണ്സ്്.
തുടര്ന്നെത്തിയ ക്യാപ്റ്റന് കെയ്ന് വില്യംസണിനൊപ്പം ഓപ്പണര് മാര്ട്ടിന് ഗുപ്റ്റില് ന്യൂസിലന്ഡിന്റെ സ്കോര് ഉയര്ത്തി. രണ്ടാം വിക്കറ്റില് ഗുപ്റ്റിലും വില്യംസണും 48 റണ്സ്് കൂട്ടിച്ചേര്ത്തു. ഒടുവില് ഗുപ്റ്റില് ആദം സാമ്പയുടെ പന്തില് പുറത്തായി. ബൗണ്ടറി ലക്ഷ്യമാക്കി ഗുപ്റ്റില് ഉയര്ത്തിയടിച്ച പന്ത്് മാര്കസ്് സ്റ്റോയ്നിസ് കൈപ്പിടയിലൊതുക്കി. 35 പന്ത് നേരിട്ട ഗുപ്്റ്റില് മൂന്ന്് ബൗണ്ടറികളുടെ പിന്ബലത്തില് 28 റണ്സ് എടുത്തു.
ഗുപ്റ്റിലിനുശേഷമെത്തിയ ഗ്ലെന് ഫിലിപ്പസ്്കെയന് വില്യംസണിനൊപ്പം 69 റണ്സ് അടിച്ചെടുത്തു. ഫിലിപ്പ്സിനെ പുറത്താക്കി ഹെയ്സല്വുഡാണ് ഈ കൂട്ടുകെട്ട് പൊളിച്ചത്. ഫിലിപ്പ്സ് 17 പന്തില് ഒരു ഫോറും ഒരു സിക്സറും സഹിതം 18റണ്സ് നേടി. ഫിലിപ്പ്സിന് പിന്നാലെ കെയ്ന് വില്യംസണും പുറത്തായി. ഹെയ്സല്വുഡിന്റെ പന്തില് സ്മിത്ത് ക്യാച്ചെടുത്തു.
ഓസീസ് പേസര് ഹെയ്സല്വുഡ് നാല് ഓവറില് 16 റണ്സിന് മൂന്ന് വിക്കറ്റ് വീഴ്ത്തി. ആദം സാമ്പ നാല് ഓവറില് 26 റണ്സിന് ഒരു വിക്കറ്റ് എടുത്തു.
ടോസ് നേടിയ ഓസ്ട്രേലിയന് ക്യാപ്റ്റന് ആരോണ് ഫിഞ്ച് ഫീല്ഡിങ് തെരഞ്ഞെടുക്കുകയായിരുന്നു. ന്യൂസിലന്ഡ് ഒരു മാറ്റവുമായാണ് കളിക്കാനിറങ്ങിയത്. സെമിഫൈനലിനിടെ പരിക്കേറ്റ് ഡെവോണ് കോണ്വേയ്ക്ക് പകരം ടിം സീഫെര്ട്ടിനെ അവസാന ഇലവനില് ഉള്പ്പെടുത്തി.
