പത്തനാപുരം: തോരാത്ത മഴയില് പത്തനാപുരത്ത് മൂന്ന് വീടുകള് തകര്ന്നു. നടുക്കുന്ന് പള്ളിമുക്ക് ആഷിഖ് മന്സിലില് അമീര് ഹംസ, വേങ്ങവിള വീട്ടില് സലീനാ ബീവി, കോശീഖാന് വീട്ടില് അബ്ദുല് റഹീം എന്നിവരുടെ വീടുകളാണ് തകര്ന്നത്. കിഴക്കന് മേഖലയില് ശക്തമായ മഴ തുടരുകയാണ്. താഴ്ന്ന പ്രദേശങ്ങള് വെള്ള പൊക്ക ഭീഷണിയിലാണ്.
അത്യാവശ്യ ഘട്ടത്തില് വെള്ളപൊക്ക ഭീഷണി നേരിടുന്ന കുടുംബങ്ങളെ മാറ്റിപ്പാര്പ്പിക്കാന് റവന്യൂ അധികൃതരുമായി ആലോചിച്ച് ക്യാമ്പ് തുടങ്ങുന്നതിന് സൗകര്യമൊരുക്കുമെന്ന് പത്തനാപുരം ഗ്രാമപഞ്ചായത്ത് പ്രസിഡന്റ് എസ്. തുളസി അറിയിച്ചു.
