തികച്ചും ആകസ്മികമായാണ് ലോകം ട്വിറ്ററിലൂടെ മലാല യൂസഫ്സായിയുടെ വിവാഹവാര്ത്ത അറിയുന്നത്. ഇംഗ്ലണ്ടിലെ ബെര്മിംഗ്ഹാമില് നടന്ന നിക്കാഹ് ചടങ്ങില് കുടുംബാംഗങ്ങള് മാത്രമാണ് പങ്കെടുത്തത്. പാകിസ്ഥാന് ക്രിക്കറ്റ് ബോര്ഡിലെ ജീവനക്കാരനായ അസര് മാലിക്കാണ് മലാലയുടെ പുതിയ ജീവിത പങ്കാളി.
വിവാഹത്തിന് തൊട്ടുപിന്നാലെ നിരവധി ട്രോളുകളാണ് മലാലയ്ക്ക് നേരെ ഉയര്ന്നു വരുന്നത്. ബ്രിട്ടീഷ് വോഗില് വിവാഹ ഉടമ്പടിയെ വിമര്ശിച്ച് മലാല നടത്തിയ വിമര്ശനവും വിവാഹ ചടങ്ങില് വരന് അസര് മാലിക്ക് പേപ്പറില് ഒപ്പിടുന്ന ചിത്രങ്ങളും ചേര്ത്തുവെച്ചാണ് ട്രോളുകള്.
ആളുകള് എന്തിനാണ് വിവാഹം കഴിക്കേണ്ടതെന്ന് എനിക്ക് ഇപ്പോഴും മനസ്സിലാകുന്നില്ല. നിങ്ങളുടെ ജീവിതത്തില് ഒരു വ്യക്തി ഉണ്ടാകണമെങ്കില്, എന്തുകൊണ്ടാണ് നിങ്ങള് വിവാഹ പേപ്പറില് ഒപ്പിടുന്നത്. എന്തുകൊണ്ട് അത് ഒരു പങ്കാളിത്തം മാത്രമാക്കിക്കൂടാ ഇതായിരുന്നു ജൂണില് വോഗിന് നല്കിയ അഭിമുഖത്തില് വിവാഹത്തെ കുറിച്ചുള്ള പരാമര്ശം.
ഈ പരാമര്ശങ്ങള് എടുത്തുയര്ത്തിയാണ് വിമര്ശകര് മലാലയ്ക്കെതിരെ തിരിഞ്ഞിരിക്കുന്നത്. പാകിസ്ഥാന് അനുകൂല ഹാന്റിലുകളാണ് ഇവയില് ഭൂരിഭാഗവും.
