ലണ്ടന്: ലിവര്പൂളിന്റെ അപരാജിത കുതിപ്പിന് വിരാമം. പ്രീമിയര് ലീഗില് വെസ്റ്റ് ഹാം രണ്ടിനെതിരെ മൂന്ന് ഗോളുകള്ക്ക് ലിവര്പൂളിനെ തോല്പ്പിച്ചു. ഇരുപത്തിയഞ്ച് മത്സരങ്ങളില് തോല്വിയറിയാതെ കുതിച്ച ലിവര്പൂളിന്റെ ആദ്യ തോല്വിയാണിത്.
ഗോളി അലിസണ് ബെക്കറിന്റെ സെല്ഫ് ഗോളാണ് ലിവര്പൂളിനെ തോല്വിയിലേക്ക് തള്ളിയിട്ടത്. കളിയുടെ നാലാം മിനിറ്റില് തന്നെ അലിസണ് സെല്ഫ് ഗോള് വഴങ്ങി. ഇതോടെ വെസ്റ്റ് ഹാം 1-0 ന് മുന്നിലായി. എന്നാല് 41-ാം മിനിറ്റില് അലക്സാണ്ടറിന്റെ ഗോളില് ലിവര്പൂള് സമനില പിടിച്ചു. 67-ാം മിനിറ്റില് പാബ്ലോ ഫോര്നല്സും 74-ാം മിനിറ്റില് സൗമയും ലക്ഷ്യം കണ്ടതോടെ വെസ്റ്റ് ഹാം 2-1 ന് മുന്നില്. കളിയവസാനിക്കാന് രണ്ട് മിനിറ്റുള്ളപ്പോള് ഒറിജി ലിവര്പൂളിന്റെ രണ്ടാം ഗോളും നേടി.
ഈ വിജയത്തോടെ വെസ്റ്റഹാം 11 മത്സരങ്ങളില് 23 പോയിന്റുമായി മൂന്നാം സ്ഥാനത്തെത്തി. ലിവര്പൂള് 11 മത്സരങ്ങളില് 22 പോയിന്റുമായി നാലാം സ്ഥാനത്താണ്. മറ്റൊരു മത്സരത്തില് ആഴ്സണല് മടക്കമില്ലാത്ത ഒരു ഗോളിന് വാറ്റ്്ഫോര്ഡിനെ തോല്പ്പിച്ചു. 56-ാം മിനിറ്റില് സ്്മിത്താണ് ഗോള് നേടിയത്.
