ജലന്ധര്: ബോളിവുഡ് നടന് അക്ഷയ്കുമാറിന്റെ ചിത്രം സൂര്യവംശി പഞ്ചാബിലെ തീയറ്ററുകളില് പ്രദര്ശനത്തിന് സമ്മതിക്കില്ലെന്ന് കര്ഷകസമരക്കാര്. അറിയാത്ത കുറ്റത്തിന് നടനെ ആക്രമിക്കുകയാണ് സമരക്കാര്.
അക്ഷയ്കുമാര് കേന്ദ്രസര്ക്കാരിന്റെ കാര്ഷിക നിയമഭേദഗതി ബില്ലിനെ എതിര്ത്തില്ലെന്ന കുറ്റമാരോപിച്ചാണ് സമരം. പ്രതിഷേധത്തെ തുടര്ന്ന് പഞ്ചാബിലെ അഞ്ച് സിനിമാതിയറ്ററുകളില് സൂര്യവംശിയുടെ പ്രദര്ശനം നിര്ത്തിവെച്ചു. പഞ്ചാബിലെ ഹോഷിയാര്പൂരിലാണ് സംഭവം. ഭാരതീയ കിസാന് യൂണിയന്റെ ഹോഷിയാര്പൂര് ജില്ലാ പ്രസിഡന്റ് സ്വരന് ദുഗ്ഗയുടെ നേതൃത്വത്തില് പ്രകടനവും പ്രതിഷേധമാര്ച്ചും നടന്നു. പ്രതിഷേധക്കാര് പോസ്റ്ററുകളും കീറി.
പൊതുവെ മോദി സര്ക്കാരിന് അനുകൂല നിലപാട് എടുക്കുന്ന നടനാണ് അക്ഷയ്കുമാര്. അദ്ദേഹത്തിന്റെ സൂര്യവംശി കളക്ഷന് റെക്കോഡ് ഭേദിച്ച് പ്രദര്ശപ്പിക്കുകയാണ്. ഇതില് അസൂയപൂണ്ട ബോളിവുഡിലെ ചിലര് തന്നെയാണോ ഇങ്ങിനെയൊരു വിചിത്രസമരത്തിന് ചുക്കാന് പിടിക്കുന്നതെന്നും ആരോപണമുണ്ട്.
