ഫോട്ടോ വ്യാജം, വാരിയംകുന്നന്റെ വ്യാജ ചിത്രം വിക്കിപീഡിയ നീക്കം ചെയ്തു; ‘തെളിവുമില്ല ഒരു തേങ്ങയുമില്ല’; പരിഹാസവുമായി ശങ്കു ടി ദാസ്

എറണാകുളം: മാപ്പിള കലാപ നേതാവ് വാരിയന്‍ കുന്നന്റേത് എന്ന പേരില്‍ അവതരിപ്പിച്ച ചിത്രം വ്യാജമാണെന്ന് തെളിഞ്ഞതിന് പിന്നാലെ പരിഹാസവുമായി സോഷ്യല്‍ മീഡിയാ ആക്ടിവിസ്റ്റ് ശങ്കുടി ദാസ്. വിക്കിപീഡിയയില്‍ പോലും ഒരു ദിവസം തികച്ചു പിടിച്ചു നില്‍ക്കാത്ത ഈ ഉടായിപ്പ് ഫോട്ടോ കൊട്ടിഘോഷിച്ചാണ്  ആളുകളെ ഇവര്‍ പൊട്ടന്‍ കളിപ്പിക്കുന്നത് എന്നോര്‍ക്കണമെന്ന് ശങ്കു ഫേസ്ബുക്കില്‍ കുറിച്ചു.  

റമീസ് മുഹമ്മദാണ് 1922 ജനുവരി 14 ന് ഗാര്‍ഡിയന്‍ ദിനപത്രം പ്രസിദ്ധീകരിച്ച വാരിയം കുന്നന്റെ ചിത്രം എന്ന പേരില്‍‍ ഒരു ഫോട്ടോ അവതരിപ്പിച്ചത്. അതേ വര്‍ഷം തന്നെ സയന്‍സസ് എറ്റ് വോയേജസ് എന്ന ഫ്രഞ്ച് മാഗസിനും ചിത്രം പ്രസിദ്ധീകരിച്ചതായി റമീസ് അവകാശപ്പെട്ടു. എന്നാല്‍ അവയൊക്കെ വ്യാജമായതിനാല്‍ വിക്കീപീഡിയ ചിത്രത്തെ പേജില്‍ നിന്നും റിമൂവ് ചെയ്തിരിക്കുകയാണ്. ആധികാരികമെന്നും ആര്‍ക്കൈവ് എന്നും അവകാശപ്പെട്ട് കലാപകാരികളുടെ നേതാവിനെ മഹത്വവല്‍ക്കരിക്കുക എന്ന ലക്ഷ്യത്തോടെ നടത്തിയ വ്യാജ ചിത്രത്തെ ഫേസ്ബുക്ക് കുറിപ്പിലൂടെ പരിഹസിച്ചിരിക്കുകയാണ് ശങ്കു ടി ദാസ്.  

ഫേസ്ബുക്ക് പേജിന്റെ പൂര്‍ണരൂപം  

ദി ക്യൂരിയസ് കേസ് ഓഫ് കുഞ്ഞാമ്മദാജി ഫോട്ടം.

മിനിഞ്ഞാന്ന് രാത്രി, 29/10/2021 വെള്ളിയാഴ്ച, ആഘോഷപൂര്‍വ്വം വിക്കിപീഡിയയില്‍ അപ്‌ലോഡ് ചെയ്ത ഫോട്ടോ ആണ് ആദ്യത്തേത്.

File: Sulthan Variyamkunnan. Png

Description: This image published on The Guardian 14th Jan, 1922.

Author or Copyright owner: Ramees Muhammed

Source: The photo accessed from 1922 French magazine, Sciences et Voyages, is the cover of the book Sultan authored by Ramees Mohammed O – Published by Two Horns.

Immediate Source: The Guardian.

വന്‍ റെഫറന്‍സും സോഴ്‌സും ഒക്കെ ഉദ്ധരിച്ചുള്ള ആര്‍ഭാടമായ അപ്‌ലോഡിങ് ആണ്.

സ്വാഭാവികമായും ആളുകള്‍ ചോദിച്ചു.

ഇപ്പറയുന്ന സോഴ്‌സുകള്‍ എവിടെ? ഒന്ന് കാണിച്ചേ.

വാരിയംകുന്നന്റേതായി ഇങ്ങനെയൊരു ഫോട്ടോ പ്രസിദ്ധീകരിച്ച 14 ജനുവരി 1922ലെ The Guardian പത്രത്തിന്റെ ലിങ്കോ ഇകോപ്പിയോ എവിടെ?

1922ല്‍ ഈ ഫോട്ടോ പ്രസിദ്ധീകരിച്ചു എന്ന് പറയുന്ന സയന്‍സസ് എറ്റ് വോയേജസ് എന്ന ഫ്രഞ്ച് മാഗസിന്‍ എവിടെ?

ഏത് മാസം ഏത് ലക്കം എത്രാം പേജിലാണ് ഫോട്ടോ ഉള്ളത്?

ഡിസ്‌ക്രിപ്ഷനിലോ സോഴ്‌സിലോ പറയുന്ന ഏതെങ്കിലുമൊരു അവകാശവാദത്തിന് എന്തെങ്കിലുമൊരു തെളിവ് എവിടെ?

ഠിം. കഥ കഴിഞ്ഞു.

തെളിവുമില്ല ഒരു തേങ്ങയുമില്ല.

തള്ളിനാണെങ്കില്‍ റെഫറന്‍സ് മൂല്യവുമില്ല.

അങ്ങനെ ആധികാരികമല്ലെന്ന് കണ്ടു വിക്കിപീഡിയ വരെ ആ ഫോട്ടോ നീക്കം ചെയ്തു.

പകരം 30/10/2021 ശനിയാഴ്ച കയറ്റിയ പുതിയ ഫോട്ടോ ആണ് രണ്ടാമത്തേത്.

File: shdpw Variyam Kunnath photo. Jpg

(നോട്ട്: സുല്‍ത്താന്‍ പോയി)

Description: Variyam Kunnath Kunjahammad Haji old photo.

(നോട്ട്: The Guardian t]mbn)

Source: Own Work

(നോട്ട്: ഫ്രഞ്ച് മാഗസിനും പോയി)

ഒറ്റ രാത്രി കൊണ്ടുള്ള പരിണാമം ആണിത്.

ബേസിക് ലെവലില്‍ കണ്ടസ്റ്റ് ചെയ്താല്‍ വിക്കിപീഡിയയില്‍ പോലും ഒരു ദിവസം തികച്ചു പിടിച്ചു നില്‍ക്കാത്ത ഈ ഉടായിപ്പ് ഫോട്ടോ കൊട്ടിഘോഷിച്ചാണ് ഇക്കണ്ട ആളുകളെ ഇവര്‍ പൊട്ടന്‍ കളിപ്പിക്കുന്നത് എന്നോര്‍ക്കണം.

എന്തായാലും അവസാനം കൊടുത്ത സോഴ്‌സ് നന്നായിട്ടുണ്ട്.

Own Work