പാലക്കാട്: കാഞ്ഞിരപ്പുഴ ബിവറേജസ് ഔട്ട്ലെറ്റിലെ നാല് ദിവസത്തെ കളക്ഷന് തുകയായ 31 ലക്ഷത്തിലധികം രൂപയുമായി ജീവനക്കാരന് കടന്നു. കാഞ്ഞിരം ഷോപ്പിലെ എൽഡി ക്ലാർക്ക് ഗിരീഷാണ് 31,25,240 രൂപയുമായി മുങ്ങിയത്. ചിറക്കൽപടിയിലുള്ള എസ്ബിഐ ശാഖയിൽ അടയ്ക്കാൻ വേണ്ടി കൊടുത്ത തുകയുമായാണ് ഇയാൾ കടന്നുകളഞ്ഞത്.
വാളയാര് അതിര്ത്തിയ്ക്ക് ശേഷം ഇയാളുടെ ഫോണ് സിഗ്നല് ലഭ്യമല്ല. അതിനാല് തമിഴ്നാട്ടിലേക്ക് കടന്നു എന്നാണ് പോലീസ് സംശയിക്കുന്നത്. സംഭവത്തില് മണ്ണാര്ക്കാട് പൊലീസ് കേസെടുത്ത് അന്വേഷണം തുടങ്ങി. ഒക്ടോബര് 21 മുതല് 24 വരെയുളള കളക്ഷനാണ് ഇയാള് ബാങ്കിലടയ്ക്കാന് കൊണ്ടുപോയ ശേഷം മുങ്ങിയത്.
ഷോപ്പ് മാനേജരില് നിന്നും പണം വാങ്ങിയ ഗിരീഷ് സാമ്പത്തിക ബാദ്ധ്യതയുണ്ടെന്നും താന് പോകുകയാണെന്നും ഫോണില് മാനേജര്ക്ക് ശബ്ദ സന്ദേശമയച്ചു. അടുത്തുളള പെട്രോള് പമ്പില് നിന്ന് നിറയെ ഇന്ധനമടിച്ചു. ഈ വിവരങ്ങളും ദൃശ്യങ്ങളും പോലീസിന് ലഭിച്ചിട്ടുണ്ട്.
