കൊച്ചി : തൃപ്പൂണിത്തുറ പേട്ടയില് ഫര്ണീച്ചര് വര്ക്ക് ഷോപ്പിന് തീപിടിച്ച് ഒരാള് മരിച്ചു. മരിച്ചയാളെ തിരിച്ചറിഞ്ഞിട്ടില്ല. മൃതദേഹം തൃപ്പൂണിത്തുറ താലൂക്ക് ആശുപത്രിയില് സൂക്ഷിച്ചിരിക്കുകയാണ്. ഇന്ന് രാവിലെയാണ് അപകടം സംഭവിക്കുന്നത്.
തൃപ്പൂണിത്തുറ സ്വദേശി ബഷീറിന്റെ പഴയ ഫര്ണീച്ചറുകള് വില്ക്കുന്ന കടയ്ക്കണ് തീപിടിച്ചത്. കടയോട് ചേര്ന്നുള്ള രണ്ട് നിലവീട്ടിലാണ് ഇയാള് താമസിച്ചിരുന്നത്. തീ ഉയര്ന്നതോടെ ഇതില് നിന്നും രക്ഷപ്പെടാനായി രണ്ടാം നിലയിലെ ശുചിമുറിയില് കയറിയ കുടുംബത്തെ അഗ്നിശമന സേനയെത്തി വെന്റിലേറ്റര് തകര്ത്താണ് രക്ഷപ്പെടുത്തിയത്.
തുടര്ന്ന് അഗ്നിശമന സേനയെത്തി തീ നിയന്ത്രണ വിധേയമാക്കി. അപകടകാരണം ഷോര്ട്ട് സര്ക്യൂട്ട് ആണെന്നാണ് പ്രാഥമിക നിഗമനം. ഒരു വാഹനവും കത്തി നശിച്ചു
