മുംബൈ: ചോദ്യം ചെയ്യലിനിടെ താന്‍ ചരസ് ഉപ.യോഗിച്ചതായി ആര്യന്‍ ഖാന്‍ സമ്മതിച്ചതായുള്ള റിപ്പോര്‍ട്ടുകള്‍ പുറത്ത് വരുന്നുണ്ട്. ആര്യന്‍ ഖാന്റെ സുഹൃത്ത് അര്‍ബാസ് ഖാനാണ് ചരസ് കൊണ്ടുവന്നത്. തുടര്‍ന്ന് ഇരുവരും കോര്‍ഡേലിയ ആഡംബരക്കപ്പലില്‍ ചരസ് ഉപയോഗിച്ചതായും പറയുന്നു.
സംഭവവുമായി ബന്ധപ്പെട്ട് ബോളിവുഡ് നടന്‍ ഷാരൂഖ് ഖാന്റെ ഡ്രൈവറെയും ചോദ്യം ചെയ്യലിനായി ശനിയാഴ്ച എന്‍സിബി ഓഫീസിലേക്ക് വിളിപ്പിച്ചു. ഇപ്പോള്‍ ചോദ്യം ചെയ്യല്‍ നടന്നുവരികയാണ്.
പതിനെട്ടോളം പേരാണ് കേസില്‍ ഇപ്പോള്‍ അറസ്റ്റിലായിരിക്കുന്നത്. ആഢംബര കപ്പലിലെ റൈയ്ഡില്‍ 13 ഗ്രാം കൊക്കൈന്‍, 21 ഗ്രാം ചരസ്, എം ഡി എം എയുടെ 22 ഗുളികകള്‍, 5 ഗ്രാം എം ഡി, 1.33 ലക്ഷം രൂപ എന്നിവയാണ് എന്‍ സി ബി പിടിച്ചെടുത്തത്.
ഈ മാസം രണ്ടിനാണ് ആര്യനടക്കം ഏഴ് പേരെ ലഹരി മരുന്ന് കേസില്‍ എന്‍ സി ബി അറസ്റ്റ് ചെയ്തത്. ആര്യനും സുഹൃത്തുക്കളും സഞ്ചരിച്ച കോര്‍ഡീലിയ ക്രൂയിസ് എന്ന ആഡംബര കപ്പലില്‍ നടന്ന റെയ്ഡിനിടെയാണ് ഇവരെ അറസ്റ്റ് ചെയ്തത്. ആര്യന്‍ ഇപ്പോള്‍ ജുഡീഷ്യല്‍ കസ്റ്റഡിയില്‍ തുടരുകയാണ്. ആര്‍തര്‍ റോഡ് ജയിലിലാണ് ആര്യന്‍ഖാനെ പാര്‍പ്പിച്ചിരിക്കുന്നത്.
പ്രതികരിക്കാൻ ഇവിടെ എഴുതുക: