ന്യൂദല്ഹി: ഹോക്കി താരങ്ങളായ രൂപീന്ദര് പാല് സിങ്ങും ബിരേന്ദ്ര ലാക്രയും അന്താരാഷ്ട്ര മത്സരങ്ങളില് നിന്ന് വിരമിച്ചു. ടോകിയോ ഒളിമ്പിക്സില് ഇന്ത്യയുടെ വെങ്കല് നേട്ടത്തില് നിര്ണായക പങ്ക് വഹിച്ച താരങ്ങളാണ്. മണിക്കൂറുകളുടെ വത്യാസത്തിലാണ് താരങ്ങള് വിരമിക്കല് പ്രഖ്യാപിച്ചത്.
ട്വിറ്ററിലൂടെയാണ് രൂപീന്ദര് വിരമിക്കല് പ്രഖ്യാപിച്ചത്. ലാക്രയുടെ വിരമിക്കല് പ്രഖ്യാപനം നടത്തിയത് ഹോക്കി ഇന്ത്യയും. 30 കാരനായ രൂപീന്ദര് ഇന്ത്യക്കായി 223 മത്സരങ്ങളില് കളിച്ചു. ഒളിമ്പിക്സില് ജര്മ്മനിക്കെതിരായ വെങ്കല മെഡല് പോരാട്ടത്തില് നാല് നിര്ണായക ഗോളുകളും രൂപീന്ദര് നേടിയിരുന്നു. പ്രതിരോധ താരമായ ലാക്ര 201 മത്സരങ്ങളില് കളിച്ചു. ടോക്കിയോയില് ഇന്ത്യയുടെ ഉപനായകനായിരുന്നു ലാക്ര.
