ലണ്ടന്: ചെല്സി-മാഞ്ചസ്റ്റര് സിറ്റി മത്സരത്തില് ഗ്വാര്ഡിയോളയുടെ ടീമിന് ജയം. എതിരില്ലാത്ത ഒരു ഗോളിനായിരുന്നു സിറ്റിയുടെ ജയം. അമ്പത്തിമൂന്നാം മിനിറ്റില് ഗബ്രിയേല് ജീസസ് വിജയ ഗോള് നേടി. തുടക്കം മുതല് സിറ്റി ആക്രമണം നടത്തിയപ്പോള് ചെല്സി പ്രതിരോധത്തിലേക്ക് വലിഞ്ഞു.
ചാമ്പ്യന്സ് ലീഗ് ഫൈനലിലെ തോല്വിക്കു പകരം വീട്ടല് കൂടിയായി സിറ്റിയുടെ ജയം. വിജയം ഉറപ്പിച്ചുള്ള കളിയാണ് സിറ്റി നടത്തിയത്. പലപ്പോഴും മികച്ച പാസുകളിലൂടെ ഗോളിനടുത്തെത്തി. മത്സരത്തില് 11 ഷോട്ടുകള് സിറ്റി ഉതിര്ത്തപ്പോള് നാല് ഷോട്ടുകള് മാത്രമാണ് ചെല്സിക്ക് സ്വന്തം. മത്സരത്തില് 60 ശതമാനം നിയന്ത്രണവും സിറ്റിക്കായിരുന്നു.
മറ്റ് മത്സരങ്ങളില് എവര്ട്ടന് എതിരില്ലാത്ത രണ്ട് ഗോളുകള്ക്ക് നോര്വിച്ചിനെയും വെസ്റ്റ്ഹാം ഒന്നിനെതിരെ രണ്ട് ഗോളുകള്ക്ക് ലീഡ്സിനെയും തോല്പ്പിച്ചു. ലെസ്റ്റര്-ബേണ്ലി മത്സരം സമനിലയില് പിരിഞ്ഞു. നിലവില് ആറ് മത്സരങ്ങളില് നിന്ന് 14 പോയിന്റുള്ള ലിവര്പൂളാണ് പട്ടികയില് ഒന്നാമത്. 13 പോയിന്റ് വീതമുള്ള മാഞ്ചസ്റ്റര് സിറ്റി രണ്ടാമതും ചെല്സി മൂന്നാമതും മാഞ്ചസ്റ്റര് യുണൈറ്റഡ് നാലാമതുമാണ്.
