വാഷിങ്ടണ് : ഒരു രാജ്യത്തിനു നേരേയും ആക്രമണം നടത്താനായി അഫ്ഗാനിസ്ഥാന്റെ മണ്ണ് ഉപയോഗിക്കരുത്. അഫ്ഗാനിസ്ഥാനുമായി സഹകരിച്ചു നീങ്ങുമെന്ന് സംയുക്ത പ്രസ്താവനയിറക്കി ക്വാഡ്. കഴിഞ്ഞ ദിവസം ന്യൂയോര്ക്കില് ചേര്ന്ന ഇന്ത്യ, അമേരിക്ക, ജപ്പാന്, ഓസ്ട്രേലിയ രാജ്യങ്ങളുടെ കൂട്ടായ്മയായ ക്വാഡിന്റെ ഉച്ചകോടിയിലാണ് ഈ പ്രസ്താവന നടത്തിയത്.
ഭീകരരെ ഉപയോഗിച്ചുള്ള നിഴല് യുദ്ധം അവസാനിപ്പിക്കണമെന്ന് പാക്കിസ്ഥാനേയും ക്വാഡ് പരോക്ഷമായി വിമര്ശിച്ചു. ഭീകരര്ക്ക് പരിശീലനവും പണവും അഫ്ഗാനിസ്ഥാന് വഴി നല്കരുത്. ഭീകരസംഘടനകള്ക്ക് ഒരു രാജ്യവും സൈനിക സഹായം നല്കരുതെന്നും അതിര്ത്തി കടന്നുള്ള ഭീകരവാദം ഒറ്റക്കെട്ടായി ചെറുക്കുമെന്നും സംയുക്ത പ്രസ്താവനയില് ക്വാഡ് രാജ്യങ്ങള് വ്യക്തമാക്കുന്നു.
അഫ്ഗാനിലെ സാധാരണ പൗരന്മാര്ക്കൊപ്പമാണ് നിലകൊള്ളുന്നത്. അഫ്ഗാനിസ്ഥാന് വിട്ടുപോകാന് ആഗ്രഹിക്കുന്ന ഏതൊരാള്ക്കും അതിനുള്ള സൗകര്യമൊരുക്കാന് തയ്യാറാവണം. അഫ്ഗാനിസ്ഥാനിലെ സ്ത്രീകള്ക്കും കുട്ടികള്ക്കും മതന്യൂനപക്ഷങ്ങള്ക്കും അവരുടെ എല്ലാ സ്വാതന്ത്രവും അവകാശവും ഉറപ്പാക്കണമെന്നും താലിബാനോട് ആവശ്യപ്പെടുന്നതായും ക്വാഡ് അറിയിച്ചു. വൈറ്റ് ഹൗസില് ചേര്ന്ന ക്വാഡ് രാഷ്ട്രത്തലവന്മാരുടെ യോഗത്തില് സംസാരിക്കാന് ജോ ബൈഡന് ആദ്യം ക്ഷണിച്ചത് പ്രധാനമന്ത്രി നരേന്ദ്രമോദിയെയാണ്.
