തിരുവനന്തപുരം: നര്ക്കോട്ടിക് ജിഹാദ് വെളിപ്പെടുത്തലിന്റെ പേരില് പാലാ ബിഷപ്പിനെതിരെ പ്രത്യക്ഷ സമരവുമായി എസ്ഡിപിഐ. ബിഷപ്പ് മാര് ജോസഫ് കല്ലറങ്ങാട്ടിനെ അറസ്റ്റ് ചെയ്യണമെന്ന് ആവശ്യപ്പെട്ട് സെക്രട്ടറിയേറ്റിന് മുന്നിലും ജില്ലാ കേന്ദ്രങ്ങളിലും എസ്ഡിപിഐ ധരണ സംഘടിപ്പിച്ചു.
തിരുവനന്തപുരം സെക്രട്ടറിയേറ്റിന് മുന്നില് നടത്തിയ ധരണ സംസ്ഥാന വൈസ് പ്രസിഡന്റ് മൂവാറ്റുപുഴ അഷ്റഫ് മൗലവി ഉദ്ഘാടനം ചെയ്തു. മതമൗലികവാദിയായ ക്രിമിനലിനെതിരെ നടപടി സ്വീകരിക്കാന് സര്ക്കാര് മടിക്കുകയാണെന്ന് പരിപാടി ഉദ്ഘാടനം ചെയ്ത് അഷ്റഫ് മൗലവി പറഞ്ഞു.
സാമ്പത്തിക ക്രമകേടുകളില് നിന്നു തലയൂരാനും കേന്ദ്ര ഭരണകൂടത്തിന്റെ പ്രീതി സമ്പാദിക്കാനും വേണ്ടിയാണ് ഇത്തരത്തില് ബിഷപ്പ് പ്രസ്താവന നടത്തുന്നതെന്ന് എസ്ഡിപി നേതൃത്വം ആരോപിച്ചിരുന്നു. വ്രണിത ഹൃദയരായ ഇരകളുടെ മുറിവ് ഉണക്കുന്നതിനു പകരം സര്ക്കാര് വേട്ടക്കാരന് പിന്തുണ നല്കുകയാണെന്നും പ്രസ്താവനയില് ആക്ഷേപമുയര്ത്തിയിരുന്നു.
