പാലക്കാട് : മക്കളെ കുറിച്ചുള്ള വിദ്വേഷ പ്രചാരണത്തിനെതിരെ പരാതി നൽകുമെന്ന് സ്പീക്കർ എംബി രാജേഷ്. വർഗീയ ചുവയോടെയാണ് ആളുകൾ സൈബർ പ്രചാരണം നടത്തുന്നത്. നിരന്തരം ഭീഷണം കോളുകൾ വരുന്നുണ്ടെന്നും അതുകൊണ്ടുതന്നെ പരാതി നല്കുമെന്നും രാജേഷ് വ്യക്തമാക്കി.
രാജേഷ് ഈയിടെ വാര്യന് കുന്നനെ ഭഗത് സിംഗുമായി താരതമ്യം ചെയ്തുകൊണ്ട് മലബാര് കലാപത്തെക്കുറിച്ച് നടത്തിയ പ്രസംഗം ഏറെ വിവാദം സൃഷ്ടിച്ചിരുന്നു.
സൈബർ ആക്രമണം പുതിയതല്ല. അതിന് പുല്ലുവിലയാണ് കൽപ്പിക്കാറുള്ളത്. എന്നാൽ ഇപ്പോൾ മക്കളെ മുൻനിർത്തിയാണ് വർഗീയ ചുവയോടെ സൈബർ ആക്രമണം നടത്തുന്നത്. ഇതിനെതിരെ കുടുംബം പരാതി നൽകുമെന്നും എംബി രാജേഷ് അറിയിച്ചു.
സ്പീക്കർക്ക് കക്ഷി രാഷ്ട്രീയം പാടില്ലെന്നത് അന്ധവിശ്വാസങ്ങളിൽ ഒന്നായെ കാണുന്നുള്ളുവെന്നും രാജേഷ് ആവർത്തിച്ചു. കക്ഷി രാഷ്ട്രീയം പാടില്ലെന്ന് മാത്രമേ ഉള്ളൂ.
