ന്യൂയോര്ക്ക്: യുഎസ് ഓപ്പണ് ടെന്നീസ് ചാമ്പ്യന്ഷിപ്പില് വനിതാ വിഭാഗത്തില് അമേരിക്കയുടെ സൊളെയ്ന് സറ്റെഫാന്സ്, നവോമി ഒസാക, ഗാര്ബിനെ മുഗുരസെ, സിമോണ ഹാലെപ്പ്, പുരുഷ വിഭാഗത്തില് സ്റ്റെഫാനോസ് ടിറ്റ്സിപാസ്, ഡാനില് മെദ്വദേവ്, ആന്ദ്രെ റുബലെവ്, റോബര്ട്ടോ ബാറ്റിസ്റ്റ തുടങ്ങിയവര് രണ്ടാം റൗണ്ടിലെത്തി.
വനിതകളില് സൊളെയ്ന് നാട്ടുകാരിയായ മാഡിസണ് കെയ്സിനെ കീഴടക്കി, സ്കോര്: 6-3, 1-6, 7-6. രണ്ടാം സീഡ് അര്യന സബലെങ്ക സെര്ബിയയുടെ നിന സ്റ്റൊവാനോവിച്ചിനെ തോല്പ്പിച്ചു, സ്കോര്: 6-4, 6-7, 6-0. മൂന്നാം സീഡ് ജപ്പാന്റെ നവോമി ഒസാക ചെക്ക് റിപ്പബ്ലിക്കിന്റെ മാരി ബുസ്കോവയെ 6-4, 6-1 എന്ന സ്കോറിന് തോല്പ്പിച്ചു. 12-ാം സീഡ് സിമോണ ഹാലെപ് 6-4, 7-6 സ്കോറിന് ഇറ്റലിയുടെ കാമില ജിയോര്ജിയെ തകര്ത്തു.
പുരുഷ സിംഗിള്സില് അഞ്ച് സെറ്റ് നീണ്ട പോരാട്ടത്തിനൊടുവില് ബ്രിട്ടന്റെ ആന്ഡി മുറെയെ തകര്ത്താണ് മൂന്നാം സീഡ് ഗ്രീസിന്റെ സ്റ്റെഫാനോസ് ടിറ്റ്സിപാസ് രണ്ടാം റൗണ്ടിലേക്ക് മുന്നേറിയത്. സ്കോര്: 2-6, 7-6, 3-6, 6-3, 6-4. രണ്ടാം സീഡ് റഷ്യയുടെ ഡാനില് മെദ്വദേവ് ഫ്രഞ്ച് താരം റിച്ചാര്ഡ് ഗാസ്കറ്റിനെ 6-4, 6-3, 6-1 എന്ന സ്കോറിന് കീഴടക്കി. നിക് കിര്ഗിയോസിനെ നേരിട്ടുള്ള സെറ്റുകള്ക്ക് തകര്ത്താണ് സ്പാനിഷ് താരവും പതിനെട്ടാം സീഡുമായ റോബര്ട്ടോ ബാറ്റിസ്റ്റ രണ്ടാം റൗണ്ടിലേക്ക് മുന്നേറിയത്.
