കൊല്ലം: ബിജെപിയുടെ ആഭിമുഖ്യത്തില്‍ ദേശീയതലത്തില്‍ നടന്ന് വരുന്ന ദേശീയ ആരോഗ്യ സന്നദ്ധപ്രവര്‍ത്തക പ്രചാരണത്തിന്റെ ഭാഗമായി കൊല്ലം ജില്ലാ കമ്മിറ്റിയുടെ ആഭിമുഖ്യത്തില്‍ ആരോഗ്യ സന്നദ്ധ പ്രവര്‍ത്തകരുടെ പരിശീലന ശിബിരം ബിജെപി സംസ്ഥാന സെക്രട്ടറി അഡ്വ. എസ്. സുരേഷ് ഉദ്ഘാടനം ചെയ്തു. ലോകരാജ്യങ്ങള്‍ കൊവിഡിന് മുന്നില്‍ പകച്ചു നിന്നപ്പോള്‍ പ്രധാനമന്ത്രി നരേന്ദ്രമോദിയുടെ നേതൃത്വത്തില്‍ കൊവിഡിനെ അതിജീവിച്ചു കൊണ്ട് ലോകത്തിന് തന്നെ മാതൃകയായി മാറിയെന്ന് അദ്ദേഹം പറഞ്ഞു. ജില്ലാ പ്രസിഡന്റ് ബി.ബി. ഗോപകുമാര്‍ അധ്യക്ഷനായി.
ജില്ലാ ജനറല്‍ സെക്രട്ടറിമാരായ വെള്ളിമണ്‍ ദിലീപ്, ബി. ശ്രീകുമാര്‍, വൈസ് പ്രസിഡന്റ് ലതമോഹന്‍, സെക്രട്ടറിമാരായ ബി. ഷൈലജ, ജിതിന്‍ദേവ്, വെറ്റമുക്ക് സോമന്‍, ട്രഷറര്‍ മന്ദിരം ശ്രീനാഥ, മഹിളാ മോര്‍ച്ച ജില്ലാ സെക്രട്ടറി ചെറുപുഷ്പം യുവമോര്‍ച്ച ജില്ലാ പ്രസിഡന്റും ഹെല്‍ത്ത് വോളന്റിയേഴ്‌സ് കണ്‍വീനറുമായ വിഷ്ണു പട്ടത്താനം, കൊല്ലം മണ്ഡലം പ്രസിഡന്റ് സാംരാജ് എന്നിവര്‍ സംസാരിച്ചു. തുടര്‍ന്ന് നടന്ന പഠന ക്ലാസുകള്‍ക്ക് ഡോ.സി.എസ്. സാജന്‍, ഡോ. ജി. ഹരികൃഷ്ണന്‍, ഡോ. ബൈജു പരമേശ്വരന്‍, ഡോ. ഗോകുല്‍. എന്‍.വി., ഡോ. ബാബുലാല്‍, ഡോ. കൃഷ്ണന്‍ നമ്പൂതിരി, അര്‍ജുന്‍മോഹന്‍ എന്നിവര്‍ നേതൃത്വം നല്‍കി.
പ്രതികരിക്കാൻ ഇവിടെ എഴുതുക: