തിരുവനന്തപുരം: വാരിയംകുന്നത്ത് കുഞ്ഞഹമ്മദ് ഹാജിയുടെ സ്ഥാനം ഭഗത് സിങ്ങിനൊപ്പം ആണെന്ന നിയമസഭാ സ്പീക്കർ എം ബി രാജേഷിന്റെ അഭിപ്രായത്തെ വിമര്ശിച്ച് ശ്രീജിത് പണിക്കര്. ബ്രിട്ടീഷുകാര് വന്നപ്പോള് ഭഗത് സിങ് നെഞ്ച് വിരിച്ച് നിന്നുവെന്നും വാരിയന് കുന്ന് കുഞ്ഞഹമ്മദ് ഹാജി അനുയായികളെപ്പോലും ഉപേക്ഷിച്ച് മുങ്ങുകയായിരുന്നുവെന്നും രണ്ട് കൂട്ടരുടെയുടം ജീവിതത്തെക്കുറിച്ച് വിശദീകരിച്ച് ശ്രീജിത് പണിക്കര് പറയുന്നു.
ശ്രീജിത് പണിക്കരുടെ പോസ്റ്റ് വായിക്കുക:
വാരിയംകുന്നത്ത് കുഞ്ഞഹമ്മദ് ഹാജിയുടെ സ്ഥാനം ഭഗത് സിങ്ങിനൊപ്പം ആണെന്ന് നിയമസഭാ സ്പീക്കർ എം ബി രാജേഷ്.
അജ്മൽ കസബിന്റെയും ചന്ദ്രശേഖർ ആസാദിന്റെയും കയ്യിൽ തോക്ക് ഉണ്ടായിരുന്നു എന്നതുകൊണ്ട് അവർക്ക് ഒരേസ്ഥാനം ആവില്ലല്ലോ. നേർക്കുനേർ ബ്രിട്ടീഷുകാർ വരുമെന്ന സാഹചര്യത്തിൽ ഭഗത് സിങ്ങും വാരിയംകുന്നനും പ്രതികരിച്ചത് എങ്ങനെയെന്ന് നോക്കൂ.
“രക്ഷപെടാനുള്ള സാഹചര്യം ഉണ്ടായിട്ടും ഭഗത് സിങ് അതിനു ശ്രമിച്ചില്ല. അചഞ്ചലനായി നിന്ന് അറസ്റ്റ് വരിച്ചു. വിചാരണവേള ദേശീയബോധം വളർത്താനുള്ള അവസരമായി കരുതി. തനിക്കെതിരെയുള്ള തെളിവ് ആകുമെന്ന് അറിഞ്ഞിട്ടും തന്റെ ഓട്ടോമാറ്റിക് പിസ്റ്റൾ പൊലീസിന് കൈമാറി.” ഒപ്പം പിടിയിലായ ബടുകേശ്വർ ദത്ത് ഇക്കാര്യം സാക്ഷ്യപ്പെടുത്തി.
സമാന സാഹചര്യത്തിൽ വാരിയംകുന്നന്റെ പെരുമാറ്റത്തെക്കുറിച്ച് അയാളുടെ ഒപ്പമുണ്ടായിരുന്ന പയ്യനാടൻ മോയന്റെ സാക്ഷ്യപ്പെടുത്തൽ ‘മലബാർ കലാപം’ എന്ന പുസ്തകത്തിൽ കെ മാധവൻ നായർ എഴുതിയിട്ടുണ്ട്. “ഹാജിയാരുടെ ഒരു പ്രധാന ശിഷ്യനായ പയ്യനാടൻ മോയൻ എന്നൊരാൾ 1922 ജനവരി ആദ്യത്തിൽ പാണ്ടിക്കാട് പോലീസിന്റെ മുമ്പാകെ ഹാജരായപ്പോൾ താൻ, നെന്മിനി അംശത്തിൽ നിന്ന് വാരിയൻകുന്നൻ കുഞ്ഞഹമ്മദ് ഹാജിയുമായി പിരിഞ്ഞതാണെന്നും അവിടെ പട്ടാളം ചെന്ന് വെടി തുടങ്ങിയപ്പോൾ ‘ഇനി അവരവരുടെ ***** നോക്കിക്കൊള്ളിൻ’ എന്നുപറഞ്ഞ് ഹാജിയാർ അവിടെനിന്ന് ചാടിയിരിക്കുന്നുവെന്നും പറയുകയുണ്ടായി.”
***** ഇട്ട ഭാഗത്തുള്ളത് അശ്ലീലമാണ്. എഴുതിയാൽ ഫേസ്ബുക്ക് എന്നെ ബ്ലോക്കും.
ശരിക്കും ഭഗത് സിങ്ങിന്റെ ഒപ്പം സ്ഥാനം ഉള്ളയാൾ തന്നെ. ഹൗ ബ്യൂട്ടിഫുൾ പീപ്പിൾസ്!
