പാരീസ്: സൂപ്പര് സ്റ്റാര് ലയണല് മെസി പാരീസ് സെന്റ് ജര്മനില് (പിഎസ്ജി) മുപ്പതാം നമ്പര് ജേഴ്സിയിലാണ് മത്സരിക്കുക. ഫ്രഞ്ച് ലീഗിലെ ആദ്യ മത്സരത്തില് പിഎസ്ജി നാളെ സ്ട്രാസ്ബര്ഗിനെ എതിരിടും. നാളെ രാത്രി 12.30 ന് ഈ പോരാട്ടം.
ബാഴ്സലോണയില് നിന്നാണ് മെസി പിഎസ്ജിയില് എത്തിയത്. ബാഴ്സയില് മെസി ആദ്യ രണ്ട് സീസണുകളില് മുപ്പതാം നമ്പര് ജേഴ്സിലാണ് മത്സരിച്ചത്. പിന്നീട് പത്തൊമ്പതാം നമ്പര് ജേഴ്സിയിലേക്കും ഒടുവില് പ്രശസ്തമായ പത്താം നമ്പര് ജേഴ്സിയിലേക്കും മാറി.
ബാഴ്സലോണയില് മെസിയുടെ സഹതാരമായിരുന്ന ബ്രസീലിന്റെ സൂപ്പര് സ്റ്റാര് നെയ്മറുടെ പേരിലാണ് പിഎസ്ജിയുടെ പത്താം നമ്പര് ജേഴ്സി.
രണ്ട് വര്ഷത്തേക്കാണ് പിഎസ്ജി, ലയണല് മെസിയുമായി കരാര് ഉണ്ടാക്കിയിരിക്കുന്നത്. കരാര് ഒരു വര്ഷം കൂടി നീട്ടാന് കരാറില് വ്യവസ്തയുണ്ട്. 305 കോടിയാണ് മെസിയുടെ വാര്ഷിക പ്രതിഫലം.
