ദേശീയ യുവ പുരസ്‌കാരം; സന്നദ്ധ വ്യവസായ വികസനത്തിനുള്ള പുരസ്‌കാരം മലയാളി വിനോജ് രാജിന്

ന്യൂദല്‍ഹി: ദേശീയ യുവ പുരസ്‌കാരങ്ങള്‍ കേന്ദ്ര യുവജനകാര്യ കായിക മന്ത്രി അനുരാഗ് സിംഗ് ഠാക്കൂര്‍  സമ്മാനിച്ചു .  2021-ലെ അന്തര്‍ദേശീയ യുവജന ദിനത്തെ അനുസ്മരിച്ചുകൊണ്ട്, കാര്‍ഷിക-വ്യവസായ  മേഖലയില്‍  നടത്തിയ സാമൂഹിക ലക്ഷ്യങ്ങള്‍ക്കായുള്ള സന്നദ്ധ  വ്യവസായ വികസനം-  (Social Objectives-Led Volunteer Enterprise Development) പുരസക്കാരം നേടിയവരില്‍ മലയാളിയും.  ചെടികള്‍ക്കുള്ള പ്രതിരോധ ജൈവ മരുന്ന് ഉല്പാദിപ്പിക്കുന്ന സെന്റ് ജൂഡ് ഹെര്‍ബല്‍സ് സ്ഥാപകന്‍ കാസര്‍കോടു സ്വദേശി വിനോജ്  പി എ രാജ്  ആണ് ജേതാവ്.   കുമ്പളങ്ങി പടികാകുടി വീട്ടില്‍ രാജേഷ് ജോസ്- മമത ദമ്പതികളുടെ പുത്രനാണ് ഈ  മിടുക്കന്‍

വിജയികളായ  യുവസംരംഭക ടീമുകളെ അനുരാഗ്  ഠാക്കൂര്‍   ആദരിച്ചു.

‘ഇന്ത്യയുടെ ഭാവി’ ആയിരിക്കുമ്പോള്‍ തന്നെ ഇന്ത്യയിലെ യുവാക്കള്‍ കൂടുതല്‍ പ്രാധാന്യമര്‍ഹിക്കുന്നത് ‘ഇന്ത്യയുടെ വര്‍ത്തമാനം ‘ എന്ന നിലയിലാണ്. സ്വയംപര്യാപ്ത നൂതനാശയങ്ങള്‍-ആത്മ നിര്‍ഭര്‍ ഇന്നൊവേഷ( AI)- ന്റെ ഈ കാലഘട്ടത്തില്‍ ആശയങ്ങളുടെയും നവീകരണത്തിന്റെയും സാരഥികളാണ് അവര്‍.  അനുരാഗ് ഠാക്കൂര്‍ പറഞ്ഞു,

വ്യക്തിഗത, സംഘടന വിഭാഗങ്ങളിലായി ആകെ 22 ദേശീയ യുവ അവാര്‍ഡുകള്‍ നല്‍കി.  വ്യക്തിഗത വിഭാഗത്തില്‍ 10 അവാര്‍ഡുകളും  സ്ഥാപനവിഭാഗത്തിലെ 4 അവാര്‍ഡുകളും ഉള്‍പ്പെടുന്ന NYA 2017-18 ല്‍ മൊത്തം 14 അവാര്‍ഡുകള്‍ നല്‍കി.  വ്യക്തിഗത വിഭാഗത്തില്‍ 7 അവാര്‍ഡുകളും  സ്ഥാപനവിഭാഗത്തില്‍ ഒരു അവാര്‍ഡും ഉള്‍പ്പെടുന്ന NYA 2018-19 ല്‍ മൊത്തം 8 അവാര്‍ഡുകള്‍ നല്‍കി.  ഒരു   മെഡലും  സര്‍ട്ടിഫിക്കറ്റും വ്യക്തിക്ക് 1,00,000/- രൂപയും സ്ഥാപനത്തിന് 3,00,000/-രൂപയും അടങ്ങുന്നതാണ് അവാര്‍ഡ്.