ശ്രീനഗർ : ജമ്മുകശ്മീരിൽ ഗ്രനേഡുകളുമായി മാദ്ധ്യമ പ്രവർത്തകൻ അറസ്റ്റിൽ. സിഎൻഎസ് ന്യൂസ് ഏജൻസിയിലെ സബ് എഡിറ്ററായ ആദിൽ ഫാറൂഖാണ് അറസ്റ്റിലായത്. രണ്ട് ഗ്രനേഡുകളും ഉപയോഗക്ഷമമാണെന്ന് പോലീസ് കണ്ടെത്തി.
ആമിര കദൽ പ്രദേശത്ത് ഗ്രനേഡ് ആക്രമണം നടന്ന് മിനിട്ടുകൾക്കുള്ളിലാണ് ഇയാളെ കയ്യില്‍ ഗ്രനേഡുകളുമായി സിആര്‍പിഎഫ് പിടികൂടിയത്. തെക്കൻ കശ്മീരിലെ പാം‌മ്പോർ സ്വദേശിയാണ് 26 കാരനായ ആദിൽ ഫറൂഖ്. മാദ്ധ്യമ പ്രവർത്തകരടക്കം വലിയൊരു ഭീകര ശൃംഖലയുടെ ഭാഗമാണ് ആദിൽ ഫറൂഖെന്ന് പോലീസ് സംശയിക്കുന്നുണ്ട്.
ദേശീയ സുരക്ഷാ വിഷയത്തില്‍ സിഎന്‍എന്‍ ന്യൂസ് 18 കോണ്‍ട്രിബ്യൂട്ടര്‍ എഡിറ്ററായ ആദിത്യ രാജ്കൗള്‍ ഈ അറസ്റ്റിനെക്കുറിച്ച് ട്വീറ്റിലൂടെ സ്ഥിരീകരിച്ചിരുന്നു.
നേരത്തെ 2019ല്‍ പൊതു സുരക്ഷാ നിയമപ്രകാരം (പിഎസ്എ) അറസ്റ്റ് ചെയ്യപ്പെട്ട ആദില്‍ ഫറൂഖിന്റെ വിശദാംശങ്ങളും ആദിത്യ രാജ്കൗള്‍ ട്വിറ്ററില്‍ പങ്കുവെച്ചിരുന്നു. ഹുറിയത്ത് നേതാവ് ബിലാല്‍ ഗാനി ലോണുമായി ബന്ധം സ്ഥാപിക്കുകയും ആ പ്രദേശത്തെ ചെറുപ്പക്കാര്‍ക്കിടയില്‍ തീവ്രവാദ ആശയങ്ങള്‍ പ്രചരിപ്പിക്കുകയും ചെയ്തു. ലഷ്‌കര്‍ ഇ ത്വയിബ നേതാവ് മുഹമ്മദ് അയൂബ് ലോണുമായി ചേര്‍ന്ന് അനധികൃത ആയുധനങ്ങള്‍ കടത്താനും ആദില്‍ ഫറൂഖി ശ്രമിച്ചിരുന്നു.
പക്ഷെ അന്ന് ആദിൽ ഫാറൂഖിനെ വെറുതെ വിടാനായി മാദ്ധ്യമ പ്രവർത്തകരുടെ വലിയ പ്രതിഷേധങ്ങളാണ് അന്ന് ഉയർന്നത്. ഭീകരരുമായി നിരന്തരം ബന്ധം സ്ഥാപിച്ചതിന്റെ തെളിവുകൾ ലഭിച്ചതിനെ തുടർന്നായിരുന്നു അന്ന് ആദിൽ ഫാറൂഖിനെ അറസ്റ്റ് ചെയ്തത്.
പ്രതികരിക്കാൻ ഇവിടെ എഴുതുക: