അമ്പലപ്പുഴ: പട്ടികജാതി യുവതിയെ ജാതി പറഞ്ഞ് അധിഷേപം. സിപിഎം ഗ്രാമ പഞ്ചായത്തംഗത്തിനെതിരെ കേസ് എടുക്കാതെ അമ്പലപ്പുഴ പോലീസ്. നീതി തേടി പോലീസ് മേധാവിക്ക് യുവതി പരാതി നല്കി.
അമ്പലപ്പുഴ തെക്ക് പഞ്ചായത്ത് എട്ടാം വാര്ഡിലെ സിപിഎം ഗ്രാമ പഞ്ചായത്തംഗമായ അജീഷിനെതിരെയാണ് യുവതി പരാതി നല്കിയത്. കഴിഞ്ഞ മാസം 29 നാണ് തന്നെ ജാതി പറഞ്ഞ് അധിക്ഷേപിച്ചെന്നും, കയ്യേറ്റം ചെയ്തു എന്നും കാട്ടി യുവതി അമ്പലപ്പുഴ സി ഐയ്ക്ക് പരാതി നല്കിയത്. എന്നാല് പരാതിയെ കുറിച്ച് അന്വഷിക്കുന്നതിനു പകരം പാര്ട്ടി ഓഫീസില് എത്തി സിപിഎമ്മുമായി ധാരണയില് എത്തുവാനാണ് അമ്പലപ്പുഴ പോലീസില് നിന്ന് അറിയിപ്പ് ലഭിച്ചത്.
സിപിഎം നേതാക്കള് യുവതിയെ പാര്ട്ടി ഓഫീസില് വിളിപ്പിക്കുകയും കേസ് ഒത്തുതീര്പ്പാക്കുന്നതാണ് നല്ലതെന്ന് പറഞ്ഞ് ഭീഷണിപ്പെടുത്തുകയും ചെയ്തു. ഇതോടെ യുവതി വീണ്ടും അമ്പലപ്പുഴ സ്റ്റേഷനില് എത്തി ഡിവൈഎസ്പിയെ വിവരം അറിയിച്ചു. എന്നാല് ഇവിടെയും നീതി ലഭിച്ചില്ല. ഇതോടെ യുവതി ഇന്നലെ ജില്ലാ പോലീസ് മേധാവിക്ക് പരാതി നല്കുകയായിരുന്നു.പോലീസ് മേധാവിയുടെ ഭാഗത്തുനിന്ന് നീതി ലഭിച്ചില്ലങ്കില് കോടതിയെ സമീപിക്കാനാണ് തീരുമാനമെന്നും യുവതി പറഞ്ഞു .
