തൃശൂര്‍: കേരളത്തില്‍ സേവാഭാരതി പ്രവര്‍ത്തനങ്ങള്‍ മാതൃകാപരമെന്നു സേവാഭാരതി അഖിലേന്ത്യാ അധ്യക്ഷന്‍ പന്നലാല്‍ ബന്‍സാലി. സേവാഭാരതി സംസ്ഥാന വാര്‍ഷിക പൊതുയോഗം ഉദ്ദ്ഘാടനം ചെയ്തു സംസാരിക്കുകയായിരുന്നു അദ്ദേഹം. തൃശൂര്‍ സേവാഭാരതി സംസ്ഥാന കാര്യാലയത്തില്‍ കോവിഡ് മാനദണ്ഡങ്ങള്‍ പാലിച്ചു കൊണ്ട് ഓണ്‍ലൈന്‍ ആയിട്ടാണ് പൊതുയോഗം സംഘടിപ്പിച്ചത്.
യോഗത്തില്‍ സംസ്ഥാന പ്രസിഡന്റ് ഉൃ കെ.പ്രസന്നമൂര്‍ത്തി അധ്യക്ഷത വഹിച്ചു. വാര്‍ഷിക റിപ്പോര്‍ട്ട് വാര്‍ഷിക കണക്കുകള്‍ ഭാവിപ്രവര്‍ത്തനങ്ങള്‍ എന്നിവയെ സംബന്ധിച്ച് യഥാക്രമം ഡി.വിജയന്‍, എ.വി.ശങ്കരന്‍, എം.സി.ഷാജകുമാര്‍, പി.ആര്‍.സജീവന്‍ എന്നിവര്‍ സംസാരിച്ചു. അഡ്വ.കെ.കെ.ബലറാം വരണാധികാരിയായിരുന്ന യോഗത്തില്‍ സംസ്ഥാന സമിതിയില്‍ നിന്ന് ഭാരവാഹികള്‍ ഉള്‍പ്പെടെ 18 അംഗ നിര്‍വ്വാഹക സമിതിയെ യോഗം തിരഞ്ഞെടുത്തു.
രാഷ്‌ട്രീയ സ്വയംസേവക സംഘം സംസ്ഥാന സഹ ഗ്രാമവികാസ പ്രമുഖ് ശ്രി.പി.ഉണ്ണികൃഷ്ണന്‍ സേവാ സന്ദേശം നല്കി. സംസ്ഥാന അധ്യക്ഷന്‍ ഡോക്ടര്‍ രഞ്ജിത്ത് ഹരി(തിരുവനന്തപുരം), ജനറല്‍ സെക്രട്ടറി ശ്രി.ഡി.വിജയന്‍(തിരുവനന്തപുരം) ട്രഷറര്‍ ശ്രി. എ.വി.ശങ്കരന്‍ (കോട്ടയം) സംഘടന സെക്രട്ടറി ശ്രി.എം.ടി.കിരണ്‍കുമാര്‍(തൃശൂര്‍)
പ്രതികരിക്കാൻ ഇവിടെ എഴുതുക: