മലപ്പുറം : കള്ളപ്പണവും അനധികൃത നിക്ഷേപങ്ങളേയും തുടര്‍ന്ന് അന്വേഷണം നേരിടുന്ന മലപ്പുറം എആര്‍ നഗര്‍ സഹകരണ ബാങ്ക് പ്രസിഡന്റ് രാജിവെച്ചു. മുസ്ലിം ലീഗിലെ കെ.ടി. ലത്തീഫാണ് രാജിവച്ചത്. മുസ്ലിം ലീഗ് ഭരിക്കുന്ന മലപ്പുറം എആര്‍ നഗര്‍ സഹകരണ ബാങ്കില്‍ 110 കോടിയുടെ അനധികൃത നിക്ഷേപമുള്ളതായി ആദായനികുതി വകുപ്പ് കണ്ടെത്തിയത്. അതിനു പിന്നാലെയാണ് ഇപ്പോള്‍ പ്രസിഡന്റ് രാജിവെച്ചിരിക്കുന്നത്.
കഴിഞ്ഞ മാര്‍ച്ചില്‍ ആദായ നികുതി വകുപ്പ് നടത്തിയ തെരച്ചിലാണ് ബാങ്കില്‍ കള്ളപ്പണ നിക്ഷേപം ഉള്ളതായി കണ്ടെത്തുകയും ഈ തുക മരവിപ്പിക്കുകയും ചെയ്ത്. മുസ്ലിം ലീഗ് നേതാവ് പി.കെ. കുഞ്ഞാലിക്കുട്ടിയുടെ മകന്റെ നിക്ഷേപവും ഇതില്‍ ഉള്‍പ്പെടും. നിക്ഷേപത്തിന്റെ രേഖകള്‍ സമര്‍പ്പിക്കാന്‍ ആവശ്യപ്പെട്ടിട്ടും നല്‍കാത്തതിനെ തുടര്‍ന്നാണ് ഇത്.
2018 ല്‍ തന്നെ ഇതേ ബാങ്കില്‍ ബിനാമി നിക്ഷേപങ്ങളും ഇടപാടുകളും നടന്നതായി സഹകരണവകുപ്പിന്റെ പരിശോധനയില്‍ കണ്ടെത്തിയിരുന്നു. ബാങ്ക് സെക്രട്ടറി സ്വന്തം പേരിലുണ്ടാക്കിയ അക്കൗണ്ടിലൂടെ 12 കോടിയുടെ ഇടപാട് നടത്തിയതായും ഉദ്യോഗസ്ഥര്‍ റിപ്പോര്‍ട്ട് നല്‍കിയിരുന്നു. രണ്ട് വ്യാജ പേരുകളിലുണ്ടാക്കിയ അക്കൗണ്ടുകളിലൂടെയും ഉദ്യോഗസ്ഥന്‍ 17 കോടിയോളം രൂപയുടെ വഴിവിട്ട ഇടപാട് നടത്തിയതായി സഹകരണ വകുപ്പും കണ്ടെത്തിയിരുന്നെങ്കിലും തുടര്‍ നടപടിയുണ്ടായിട്ടില്ല.
പ്രതികരിക്കാൻ ഇവിടെ എഴുതുക: