മറയൂര്: എക്സൈസ് അധികൃതര് നടത്തിയ പരിശോധനയില് കാറിനുള്ളില് നിന്ന് രണ്ട് കിലോ കഞ്ചാവ് കണ്ടെടുത്തു. രണ്ട് യുവാക്കള് പിടിയില്, ഒരാള് ഓടി രക്ഷപ്പെട്ടു. മറയൂര് ബാബുനഗര് സ്വദേശികളായ രഞ്ജിത്ത്(30), മണികണ്ഠന് (38) എന്നിവരാണ് അറസ്റ്റിലായത്.
ഇന്നലെ രാവിലെ മറയൂര് എക്സൈസ് ഇന്സ്പെക്ടര് രഞ്ജിത് കുമാറിന്റെ നേതൃത്വത്തില് നടത്തിയ വാഹന പരിശോധനയില് തമിഴ്നാട്ടില് നിന്ന് കേരളത്തിലെത്തിയ കാറിലാണ് കഞ്ചാവ് കണ്ടെടുത്തത്. പരിശോധനയ്ക്കിടയില് ഒരാള് ഇറങ്ങി ഓടിയതിനെ തുടര്ന്ന് നാനോ കാറിനുള്ളില് നടത്തിയ പരിശോധനയിലാണ് 2.030 കിലോഗ്രാം കണ്ടെടുത്തത്.
തമിഴ്നാട്ടില് 45,000 രൂപയ്ക്ക് വാങ്ങിയ കഞ്ചാവ് മറയൂര് മേഖലയില് വിനോദസഞ്ചാരികളെ ലക്ഷ്യം വച്ച് ചെറിയ പൊതികളാക്കി വില്ക്കാനുള്ള ശ്രമത്തിലാണെന്ന് എക്സൈസ് റേഞ്ച് ഓഫീസര് പറഞ്ഞു. ഓഫീസര്മാരായ ബിനു മോഹന്, പ്രബിന് എഫ്. രഞ്ജിത്ത് കവിദാസ്, പ്രസാന്ത്, ദിനേശ്കുമാര് എന്നിവരാണ് വാഹനപരിശോധന നടത്തിയത്.
