തിരുവനന്തപുരം: കിറ്റക്സ് കേരളത്തില്‍ നിന്ന് തെലങ്കാനയിലേക്ക് പോയത് അതിജീവനത്തിനായാണെന്ന് നടനും എംപിയുമായ സുരേഷ് ഗോപി. ഈ പ്രശ്നം നടക്കുമ്പോള്‍ താനായിരുന്നു മുഖ്യമന്ത്രിയെങ്കില്‍ ഒറ്റ ഫോണ്‍ കോളില്‍ പ്രശ്നം പരിഹരിച്ചേനെ, ഇവിടെ നടന്നത് കേവലം രാഷ്ട്രീയ കളികളാണ് കിറ്റക്സ് പ്രശ്നം വഷളാക്കിയതെന്നും അദേഹം വ്യക്തമാക്കി.
പിണറായി വിജയന്റെ സ്ഥാനത്തായിരുന്നെങ്കില്‍ കിറ്റെക്സ് സാബു ആദ്യം സംസാരിച്ച് തുടങ്ങുമ്പോള്‍ സെക്രട്ടറിയോട് പറഞ്ഞ് ഫോണ്‍ എടുത്ത് വിളിപ്പിച്ചിട്ട് ‘കിറ്റെക്സ് സാബുവേ എന്റെ ഓഫീസിലേക്ക് ഉടനെ ഒന്ന് വരണം’ എന്ന് പറഞ്ഞേനെയെന്നും അദേഹം യുട്യൂബ് ചാനലിന് നല്‍കി അഭിമുഖത്തില്‍ പറഞ്ഞു.
ഒരു ജഡ്ജ് ആവാനുള്ള അധികാരം മുഖ്യമന്ത്രിക്കുണ്ട്. സാബു എന്തൊക്കെ തിരുത്തണം, ഉദ്യോഗസ്ഥര്‍ എന്തൊക്കെ തിരുത്തണം എന്നൊക്കെ ശിക്ഷാരൂപത്തില്‍ പറഞ്ഞ് അദേഹത്തിന് മനസിലാക്കുമായിരുന്നു. ജനങ്ങളുടെ നികുതിപ്പണത്തില്‍ നിന്ന് ശമ്പളം വാങ്ങുന്ന കാക്കിയിട്ടവനാണെങ്കിലും, ഉദ്യോഗസ്ഥനാണെങ്കിലും കുല്‍സിതം കളിക്കാനുള്ള തട്ടകമല്ല, നിര്‍വഹണം മാത്രമാണ് ചുമതലയെന്നും അദേഹം പറഞ്ഞു. അതിനാല്‍ തന്നെ അതിജീവനത്തിന്റെ മാര്‍ഗം തേടി തെലങ്കാനയിലേക്ക് കിറ്റക്സ് പോയതിനെ കുറ്റം പറയാന്‍ പറ്റില്ലെന്നും സുരേഷ് ഗോപി വ്യക്തമാക്കി.
പ്രതികരിക്കാൻ ഇവിടെ എഴുതുക: