പാലക്കാട്: മണ്ണാര്ക്കാട് യുവാവ് വെടിയേറ്റ് മരിച്ചു. തിരുവിഴാംകുന്ന് അമ്പലപ്പാറയിലാണ് യുവാവിനെ വെടിയേറ്റ് മരിച്ച നിലയില് കണ്ടെത്തിയത്. ഇരട്ടവാരി പറമ്പന് സജീര് എന്ന ഫക്രൂദി(24)നാണ് മരിച്ചത്. ഇന്നലെ രാത്രി പത്ത് മണിയെടെയാണ് മരണം സംഭവിച്ചത്. ഇവിടെയുള്ള തോട്ടത്തിലെ ഒരു ഷെഡ്ഡിലാണ് മൃതദേഹം കണ്ടെത്തിയത്. ഈ സമയം ഇയാളോടൊപ്പം സുഹൃത്തായി മഹേഷ് ഉണ്ടായിരുന്നതായി കണ്ടവരുണ്ട്.
മഹേഷിനായി പോലീസ് തെരച്ചില് ആരംഭിച്ചു. താനാണ് സജീറിനെ കൊലപ്പെടുത്തിയതെന്ന് മഹേഷ് തന്റെ മറ്റൊരു സുഹൃത്തായ സാദിഖിനെ വിളിച്ചു പറഞ്ഞിരുന്നു . താന് വിഷം കഴിച്ചിട്ടുണ്ടെന്നും ഇയാള് പറഞ്ഞിരുന്നുവെന്നാണ് സാദിഖിന്റെ മൊഴി.
ഇന്ക്വിസ്റ്റ് നടപടികള്ക്കു ശേഷം മൃതദേഹം പോസ്റ്റുമാര്ട്ടത്തിനായി മണ്ണാര്ക്കാട്ടേയ്ക്ക് മാറ്റും. മഹേഷും സജീറും നേരത്തെ നിരവധി കേസുകളില് പ്രതികളാണെന്ന് പോലീസ് പറഞ്ഞു. മഹേഷിനായുള്ള തെരച്ചില് ഉര്ജ്ജിതമാക്കിയിട്ടുണ്ടെന്നും കൊലപാതക കാരണം വ്യക്തമല്ലെന്നും പോലീസ് പറഞ്ഞു.
