തിരുവനന്തപുരം: മുന്‍കൂട്ടി പണമടച്ച് വില്‍പ്പന ശാലകളിലെ കൗണ്ടറുകളിലെത്തി മദ്യം വാങ്ങാനുള്ള സൗകര്യം ഏര്‍പ്പെടുത്താനൊരുങ്ങി സര്‍ക്കാര്‍. മദ്യശാലകളിലെ തിരക്ക് കുറയ്ക്കാന് ലക്ഷ്യമിട്ടാണ് തീരുമാനം. മുഖ്യമന്ത്രി പിണറായി വിജയനാണ് ശനിയാഴ്ച ഇക്കാര്യം വാര്‍ത്താ സമ്മേളനത്തില്‍ അറിയിച്ചത്. കോവിഡ് വ്യാപനം തുടരുന്ന സാഹചര്യത്തില്‍ മദ്യ വില്‍പന സ്ഥാപനങ്ങള്‍ക്കു മുന്നില്‍ രൂപപ്പെടുന്ന നീണ്ടനിര സമൂഹിക അകലം പാലിക്കുന്നതി വലിയ ബുദ്ധിമുട്ടുകള്‍ സൃഷ്ടിക്കുന്നുണ്ട്.
ഈ സൗഹചര്യം ഒഴിവാക്കനാണ് പ്രത്യേക കൗണ്ടറെന്ന് മുഖ്യമന്ത്രി അറിയിച്ചു. മുന്‍കൂട്ടി പണമടച്ച് എത്തുന്നവര്‍ക്ക് വേഗത്തില്‍ മദ്യം നല്‍കാന്‍ കഴിയുന്ന വിധത്തിലായിരിക്കും കൗണ്ടര്‍. തിരക്കുള്ള സ്ഥലങ്ങളില്‍ ഒന്നിലധികം കൗണ്ടറുകള്‍ സജ്ജമാക്കുമെന്നും മുഖ്യമന്ത്രി കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: