തിരുവനന്തപുരം: എബിവിപി 73ാം സ്ഥാപകദിനത്തോടനുബന്ധിച്ച് തിരുവനന്തപുരം എംജി കോളേജിന്റെ മുന്നില് പതാക ഉയര്ത്തി. കൊവിഡ് മഹാമാരിക്കാലത്ത് എബിവിപി ജനങ്ങള്ക്കൊപ്പം നിന്നു. വിദ്യാര്ത്ഥി സമൂഹത്തിനപ്പുറവും എബിവിപിക്ക് പ്രവര്ത്തിക്കാന് കഴിയുമെന്ന് മഹാമാരിക്കാലം തെളിയിച്ചെന്ന് എബിവിപി ദേശീയ സഹ സംഘടനാ സെക്രട്ടറി ജി ലക്ഷ്മണ്.
ഭക്ഷണത്തിനും, പ്ലാസ്മയ്ക്കും പുറമെ ബെംഗലൂരു പോലുള്ള നഗരങ്ങളില് ജീവവായു എത്തിച്ചു നല്ക്കാനും എബിവിപി മുന്കൈ എടുത്തെന്ന് ജി ലക്ഷ്മണ് പരിപാടി ഉത്ഘാടനം ചെയ്ത് സംസാരിച്ചു. എബിവിപി സംസ്ഥാന സെക്രട്ടറി എം എം ഷാജി പതാക ഉയര്ത്തി. എബിവിപി സംസ്ഥാന ഉപാധ്യക്ഷന് ഡോ. വൈശാഖ് സദാശിവന്, തിരുവനന്തപുരം ജില്ലാ പ്രസിഡന്റ് സന്ദീപ്, സംസ്ഥാന പ്ലസ് ടു സഹ ഇന്ചാര്ജ് ആരോമല്, തിരുവനന്തപുരം മഹാനഗര് പ്രസിഡന്റ് ശേഖര് ജി തമ്പി എന്നിവരും പരിപാടിയില് പങ്കെടുത്തു. ജില്ലയില് 94 കേന്ദ്രങ്ങളിലാണ് പതാക ഉയര്ത്തിയത്.
