ന്യൂദല്‍ഹി: ഇസ്രയേല്‍ ഉപപ്രധാനമന്ത്രിയും പ്രതിരോധ മന്ത്രിയുമായ ലഫ്റ്റനന്റ് ജനറല്‍ (ആര്‍ ഇ എസ്) ബെഞ്ചമിന്‍ ഗാന്റ്‌സുമായി 2021 ജൂലൈ 09 ന് പ്രതിരോധ മന്ത്രി രാജ്നാഥ് സിംഗ് ടെലിഫോണിക് സംഭാഷണം നടത്തി. ഉപപ്രധാനമന്ത്രിയുടെയും ഇസ്രയേല്‍ പ്രതിരോധ മന്ത്രിയുടെയും ചുമതല ഏറ്റെടുത്ത ലഫ്. ജനറല്‍ (ആര്‍ ഇ എസ്) ബെഞ്ചമിന്‍ ഗാന്റ്‌സിനെ രാജ്നാഥ് സിംഗ് അഭിനന്ദിച്ചു.
പ്രതിരോധ സഹകരണം കൂടുതല്‍ ശക്തമാക്കുന്നതിനും തന്ത്രപരമായ പങ്കാളിത്തം മുന്നോട്ട് കൊണ്ടുപോകുന്നതിനും ഇസ്രയേലുമായി ചേര്‍ന്ന് പ്രവര്‍ത്തിക്കാന്‍ താന്‍ ആഗ്രഹിക്കുന്നുവെന്ന് ടെലിഫോണിക് സംഭാഷണത്തിന് ശേഷമുള്ള ട്വീറ്റില്‍ പ്രതിരോധ മന്ത്രി കുറിച്ചു. കോവിഡ്19 മഹാമാരി നേരിടുന്നതിന് ഇസ്രായേല്‍ ഇന്ത്യക്കു നല്‍കിയ സഹായത്തിന് ലഫ്റ്റനന്റ് ജനറല്‍ (ആര്‍ ഇ എസ്) ബെഞ്ചമിന്‍ ഗാന്റ്‌സിനും അദ്ദേഹം നന്ദി പറഞ്ഞു.
