ന്യൂദല്ഹി: രാജ്യദ്രോഹ കേസില് ജയിലില് കഴിയുന്ന സിദ്ധിഖ് കാപ്പന്റെ ദല്ഹിയിലെ പ്രവര്ത്തനങ്ങളേയും സഹായികളേയും കുറിച്ച് വിശദമായി അന്വേഷിക്കും. ഇക്കാര്യം ആവസ്യപ്പെട്ട് ഹിന്ദു ഐക്യവേദി നേതാവ് ഡോ ഭാര്ഗ്ഗവ റാം യു പി മുഖ്യമന്ത്രിക്ക് നിവേദനം നല്കിയിരുന്നു. തീവ്രവാദസംഘടനയുടെ താല്പര്യം സംരക്ഷിക്കാന് ദല്ഹിയിലെ വിവിധ മന്ത്രാലയങ്ങളിലും ഓഫിസുകളിലും കാപ്പന് നേരിട്ടും ‘സുഹൃത്തുക്കള്’ മുഖേനയും നടത്തിയ ‘ഇടപെടലുകള്’ സമഗ്രമായി അന്വേഷിക്കപ്പെടണമെന്നായിരുന്നു ആവശ്യം.
രാജ്യസുരക്ഷയ്ക്ക് ഹാനികരമാകും വിധം വിവരശേഖരണങ്ങളോ ഔദ്യോഗികരേഖാശേഖരണങ്ങളോ നടന്നിട്ടുണ്ടോ എന്ന് പരിശോധിക്കണം.കാപ്പന്റെ ഭീകരവാദസംഘടനാപശ്ചാത്തലം കൃത്യമായി അറിഞ്ഞിട്ടും ഡല്ഹിയില് കാപ്പന്റെ പ്രവര്ത്തനങ്ങള്ക്ക് സംരക്ഷണവും സഹായവും ഒരുക്കിയ മലയാളികളെക്കുറിച്ചും അന്വേഷിക്കണം. എന്നും ഡോ.ഭാര്ഗവ റാം കത്തില് ആവശ്യപ്പെട്ടിരുന്നു
