ന്യൂദല്ഹി : മെഡിക്കല് പിജി പരീക്ഷ റദ്ദാക്കണമെന്ന ഹര്ജി സുപ്രീംകോടതി തള്ളി. കോവിഡിന്റെ പശ്ചാത്തലത്തില് പരീക്ഷ റദ്ദാക്കി ഇന്റേര്ണല് മാര്ക്കിന്റെ അടിസ്ഥാനത്തില് മൂല്യനിര്ണ്ണയം നടത്തണമെന്നാവശ്യപ്പെട്ട് 17 മെഡിക്കല് വിദ്യാര്ത്ഥികളാണ് ഹര്ജി നല്കിയത്.
കോവിഡ് പ്രതിരോധ പ്രവര്ത്തനത്തിന്റെ ഭാഗമായി പിജി വിദ്യാര്ത്ഥികളെല്ലാം ആശുപത്രികളില് സേവനം അനുഷ്ഠിക്കുകയാണ്. പരീക്ഷക്കുള്ള തയ്യാറെടുപ്പിന് പലര്ക്കും സാധിച്ചിട്ടില്ല. അതിനാല് പരീക്ഷ നടത്തുന്നത് ഒഴിവാക്കണം. ഇന്റേര്ണല് മാര്ക്കിന്റെ അടിസ്ഥാനത്തില് മൂല്യനിര്ണയം നടത്തണമെന്നുമാണ് ഹര്ജിയില് പറഞ്ഞിരുന്നത്.
എന്നാല് പരീക്ഷ റദ്ദാക്കണമെന്ന് ഒരു വിഭാഗം ആവശ്യപ്പെടുമ്പോള് പരീക്ഷ എഴുതാന് ആഗ്രഹിക്കുന്ന കുട്ടികളും ഉണ്ട്. അതിനാല് ഹര്ജിയില് ഇടപെടാന് സാധിക്കില്ലെന്നും ജസ്റ്റിസ് ഇന്ദിരാ ബാനര്ജി അധ്യക്ഷയായ കോടതി അറിയിച്ചു.
