ന്യൂദല്‍ഹി: ബിജെപി പ്രവര്‍ത്തകരെ ആക്രമിച്ച് ദല്‍ഹിയിലെ ഗാസിപ്പൂര്‍ അതിര്‍ത്തിയില്‍ സമരം ചെയ്യുന്ന ഇടനിലക്കാര്‍. അടുത്തിടെ ബിജെപി ഉത്തര്‍പ്രദേശ് ഘടകം സെക്രട്ടറിയായി നിയമിതനായ അമിത് വാത്മികിയെ സ്വാഗതം ചെയ്യാനായി എത്തിയപ്പോഴായിരുന്നു ബിജെപി പ്രവര്‍ത്തകര്‍ക്കുനേരെ ഇടനിലക്കാര്‍ ആക്രമണം അഴിച്ചുവിട്ടത്. റോഡില്‍ ബിജെപി പ്രവര്‍ത്തകരുടെ വാഹനങ്ങള്‍ അടിച്ചു തകര്‍ക്കുന്ന ദൃശ്യങ്ങള്‍ പുറത്തുവന്നു. തുടര്‍ന്ന് ബിജെപി പ്രവര്‍ത്തകര്‍ അക്രമികളെ തടയാന്‍ ശ്രമിച്ചു. ഇവിടെയുള്ള മേല്‍പ്പാലത്തിലാണ് സംഘര്‍ഷമുണ്ടായതെന്നാണ് റിപ്പോര്‍ട്ട്.
പ്രതിഷേധക്കാര്‍ തങ്ങള്‍ക്കുനേരെ കല്ലെറിഞ്ഞുവെന്നും ബിജെപി പ്രവര്‍ത്തകര്‍ പറയുന്നു. കേന്ദ്ര കൃഷി നിയമങ്ങള്‍ക്കെതിരെ കഴിഞ്ഞ ഏഴുമാസമായി ഇടനിലക്കാര്‍ ഇവിടെ സമരം നടത്തിവരികയാണ്. സമവായത്തിലെത്താന്‍ ഇടനിലക്കാരുമായി 11 തവണ ചര്‍ച്ച നടത്തിയിട്ടും കേന്ദ്രസര്‍ക്കാര്‍ മുന്നോട്ടുവച്ച നിര്‍ദേശങ്ങള്‍ സ്വീകരിക്കാതെ സമരം തുടരുന്നതിനിടെയാണ് ബുധനാഴ്ച ബിജെപി പ്രവര്‍ത്തകര്‍ക്കുനേരെ പ്രതിഷേധക്കാര്‍ തിരിഞ്ഞത്.
പ്രതികരിക്കാൻ ഇവിടെ എഴുതുക: