കോഴിക്കോട്: സ്വര്‍ണ്ണക്കടത്തില്‍ സിപിഎം ബന്ധം പുറത്ത് വരുന്നതിനിടെ സംഘത്തില്‍ കൊടി സുനിക്കും ബന്ധമുണ്ടെന്ന സംശയം ശക്തമാകുന്നു. സ്വര്‍ണ്ണക്കടത്ത് സംഘങ്ങളുടെ കേന്ദ്രമായ കോഴിക്കോട്- കണ്ണൂര്‍ ജില്ലകളുടെ അതിര്‍ത്തിയായ അഴിയൂര്‍ മേഖലയില്‍ കൊടി സുനിയും സംഘവും കഴിഞ്ഞ ദിവസം എത്തി. എറണാകുളം റജിസ്‌ട്രേഷനിലുള്ള ഇന്നോവ കാറിലാണ് സുനിയും സംഘവുമെത്തിയത്. അഴിയൂര്‍ ചെറിയത്ത് മുക്ക് കേന്ദ്രീകരിച്ചുള്ള സ്വര്‍ണ്ണ കടത്തു സംഘങ്ങളുടെ താവളമായ വാടക വീട്ടിലാണ് ഇവര്‍ ഒത്തുകൂടിയത്. ചെറിയത്ത് മുക്കില്‍ ഏറെ നേരം ചിലവഴിച്ച സംഘം കണ്ണൂര്‍, എയര്‍പോട്ടു വഴി വരുന്ന സ്വര്‍ണ്ണത്തിന്റെ ഇടപാടുകള്‍ നടത്തുന്ന മോന്താല്‍ പാലത്തിലെ രഹസ്യ കേന്ദ്രത്തിലും ഇവര്‍ ഏറെ നേരം ചിലവഴിച്ചു. സ്വര്‍ണ്ണക്കടത്തിലെ കണ്ണിയായ അര്‍ജുന്‍ ആയങ്കിയുടെ കാര്‍ ലഭിച്ചതിന് പിന്നാലെയാണ് കൊടി സുനിയുടെ അഴിയൂരില്‍ എത്തിയിരിക്കുന്നത്.
രാമനാട്ടു കര സംഭവത്തിന് പിന്നാലെ പണവുമായി ഒരു സംഘം ആളുകള്‍ കൊടി സുനിയുടെ അഴിയൂരിലുള്ള രഹസ്യ കേന്ദ്രങ്ങളില്‍ എത്തിച്ചേര്‍ന്നതായി ജന്മഭൂമി നേരത്തെ റിപ്പോര്‍ട്ട്‌ചെയ്തിരുന്നു. അതേ സമയം വിമാനത്താവളം കേന്ദ്രീകരിച്ചുള്ള സ്വര്‍ണ്ണക്കടത്തില്‍ കൊടി സുനിക്ക് പങ്കുകുണ്ടെന്ന വിവരം പുറത്ത് വന്നനതോടെ കസ്റ്റംസ് ഇയാളുടെ നീക്കങ്ങള്‍ നിരീക്ഷിക്കുന്നതായാണ് വിവരം.
പ്രതികരിക്കാൻ ഇവിടെ എഴുതുക: