ന്യൂദല്‍ഹി: കോവിഡ് വാക്‌സിനേഷനുമായി ബന്ധപ്പെട്ട അഭ്യൂഹങ്ങളില്‍ ജനം വിശ്വസിക്കരുതെന്നും നൂറുവയസ്സിനടുത്ത് പ്രായമായ തന്റെ അമ്മ പോലും വാക്‌സിന്‍ സ്വീകരിച്ചിട്ടുണ്ടെന്നും പ്രധാനമന്ത്രി. കഴിഞ്ഞ ദിവസം നടത്തിയ മന്‍ കി ബാത്തില്‍ രാജ്യത്തെ അഭിസംബോധന ചെയ്യുകയായിരുന്നു പ്രധാനമന്ത്രി. വാക്‌സിനെടുക്കാന്‍ ആളുകള്‍ മടി കാണിക്കരുതെന്നും മോദി പറഞ്ഞു.
‘നമ്മുടെ ശാസ്ത്രജ്ഞരെ വിശ്വസിക്കുക. ധാരാളം ആളുകള്‍ വാക്‌സീന്‍ എടുത്തിട്ടുണ്ട്. ഞാന്‍ രണ്ടു ഡോസും എടുത്തു. എന്റെ അമ്മയ്‌ക്ക് ഏകദേശം നൂറ് വയസ്സ് പ്രായമുണ്ട്. അമ്മ രണ്ടു ഡോസ് വാക്‌സിനും സ്വീകരിച്ചു. വാക്‌സിനുമായി ബന്ധപ്പെട്ട അഭ്യൂഹങ്ങളൊന്നും ദയവായി വിശ്വസിക്കരുത്. ശാസ്ത്രത്തെ വിശ്വസിക്കണമെന്ന് എല്ലാവരോടും ഞാന്‍ അഭ്യര്‍ത്ഥിക്കുന്നു,’ മോദി പറഞ്ഞു.
‘നാമെല്ലാവരും ജോലി ചെയ്യുകയും ചുറ്റുമുള്ള ആളുകളെ വാക്‌സിന്‍ എടുപ്പിക്കാന്‍ പരിശ്രമിക്കുകയും വേണം. വാക്‌സിനെടുക്കുന്നതിലൂടെ മാത്രമേ ഒരാള്‍ക്ക് കോവിഡില്‍ നിന്നും രക്ഷനേടാനാകൂ. വാക്‌സിനെക്കുറിച്ച് കിംവദന്തികള്‍ പ്രചരിപ്പിക്കുന്നവര്‍ അത് ചെയ്യട്ടെ.,’- അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: