തിരുവനന്തപുരം: പേരിനൊപ്പം ജാതിപ്പേര് വാലയി ചേര്‍ക്കുന്നത് അപരിഷ്‌കൃതമാണെന്നും ജാതിപേര് ചൊല്ലി് വിളിക്കുന്ന അധിക്ഷേപമാണെന്നുമുള്ള ചെറിയാന്‍ ഫിലിപ്പിന്റെ ഫേസ് ബുക്ക് പോസ്റ്റ് ട്രാളില്‍ മുങ്ങി. പേരിനൊപ്പം ഭര്‍ത്താവിന്റെ ചേര്‍ക്കുന്ന സ്ത്രീകള്‍ അടിമത്തം പേറുന്നതായും ഇടതു സഹയാത്രികനായ മുന്‍ കോണ്‍ഗ്രസുകാരന്‍ കുറിച്ചിരുന്നു.
ഇ എം.എസ്.നമ്പൂതിരിപ്പാട്,സി അച്യുത മേനോന്‍,ഇ.കെ. നായനാര്‍,പി.കൃഷ്ണപിള്ള,പി.ഗോവിന്ദപിള്ള.എം.എന്‍. ഗോവിന്ദന്‍ നായര്‍,ശങ്കരനാരായണന്‍ തമ്പി, പി.കെ. വാസുദേവന്‍ നായര്‍,എസ്.രാമചന്ദ്രന്‍ പിള്ള…..സിപിഎം പൊളിറ്റ് ബ്യുറോയിലെ നിലോത്പല്‍ ബസു, ബിമന്‍ ബോസ്, തപന്‍ സെന്‍.മുന്‍ ജനറല്‍ സെക്രട്ടറി ഹര്‍കഷന്‍ സിംഗ് സുര്‍ജിത്ത്.. തുടങ്ങിയവരുടെ പട്ടിക നിരത്തിയാണ് ചിലര്‍ ചെറിയാനെ ചൊറിയുന്നത്.
ഇപ്പോഴത്തെ സഭയില്‍ ഒരാള്‍ മാത്രമാണ് ജാതി വാലുകാരന്‍. സുജിത്ത് വിജയന്‍പിള്ള. കഴിഞ്ഞ തവണ രണ്ടു പേരുണ്ടായിരുന്നു. സുരേഷ് കുറുപ്പും ഐഷാ പോറ്റിയും. എല്ലാവരും സിപിഎം കാരാണെന്നും ചെറിയാന്‍ഫിലിപ്പിനെ ഓര്‍മ്മിപ്പിക്കുന്നു
നായര്‍-9, മേനോന്‍-8, പിള്ള-8, നമ്പ്യാര്‍-4, കുറുപ്പ്-2, തമ്പി-2, നമ്പൂതിരിപ്പാട്-1, അയ്യര്‍-1, റാവു-1, നാടാര്‍-1 എന്നിങ്ങനെ 1957 ലെ ആദ്യ നിയമസഭയില്‍ 37 ജാതി പേരുകാര്‍ ഉണ്ടായിരുന്നതില്‍ നിന്ന് ഒന്നായത് വലിയ നേട്ടമാണെന്നു ചിലര്‍ എഴുതി.
സുശീല ഗോപാലന്‍ മുതല്‍ വീണാ ജോര്‍ജ്ജ വരെയുള്ളവര്‍ അടിമ മനസ്സുള്ളവരാണോ എന്നാണ് എന്ന ചോദ്യം പലരും ഉയര്‍ത്തി.
ലീല ദാമോദര മോനോന്‍,സാവിത്രി ലക്ഷമണന്‍, വൃന്ദാ കാരാട്ട്,സുശീലാ ഗോപാലന്‍,ആനി രാജാ,കമലാ വിജയന്‍ തുടങ്ങിയവരുടെ പട്ടികയും നിരത്തി.
