കോട്ടയം: ഡോ. ശ്യാമപ്രസാദ് മുഖര്ജിയുടെ 68-ാം ബലിദാന ദിനത്തില്, സ്മരണ പുതുക്കി ജില്ലയിലെങ്ങും വിവിധ പരിപാടികള് സംഘടിപ്പിച്ചു. ജില്ല, മണ്ഡലം, പഞ്ചായത്ത്, ബൂത്ത് കേന്ദ്രങ്ങളില് പുഷ്പാര്ച്ചന, അനുസ്മരണം, വൃക്ഷ ത്തൈനടല് എന്നിവ സംഘടിപ്പിച്ചു. അനുസ്മരണ പരിപാടികളുടെ ജില്ലാതല ഉദ്ഘാടനം ബിജെപി സംസ്ഥാന ജനറല് സെക്രട്ടറി അഡ്വ. ജോര്ജ്ജ് കുര്യന് തെങ്ങിന്ത്തൈ നട്ട് നിര്വ്വഹിച്ചു.
ബിജെപി പുതിയ ജില്ലാ കമ്മറ്റി ഓഫീസ് പരിസരത്ത് നടന്ന ചടങ്ങില് ജില്ല പ്രസിഡന്റ് അഡ്വ. നോബിള് മാത്യൂ അദ്ധ്യക്ഷനായി. ജില്ലാ വൈസ് പ്രസിഡന്റും പ്രോഗ്രാം ഇന്ചാര്ജ്ജുമായ കെ.പി. ഭുവനേശ് സ്വാഗതം പറഞ്ഞു. സംസ്ഥാന സമിതി അംഗം തോമസ് ജോണ്, ജില്ലാ വൈസ് പ്രസിഡന്റ് പി.ജി. ബിജുകുമാര്, കോട്ടയം മണ്ഡലം പ്രസിഡന്റ് ടി.ആര്. അനില് കുമാര്, ജനറല് സെക്രട്ടറിമാരായ വി.പി. മുകേഷ്, കെ. ശങ്കരന്, ട്രഷറര് വിനു ആര്. മോഹന്, ജില്ലാ കമ്മിറ്റി അംഗം പി.ജി. ഹരികുമാര്, കര്ഷകമോര്ച്ച ജില്ലാ ജനറല് സെക്രട്ടറി നന്ദന് നട്ടാശ്ശേരി, മണ്ഡലം പ്രസിഡന്റ് മഹേഷ് താമരശ്ശേരി, സെക്രട്ടറി സുമേഷ്, യുവമോര്ച്ച ജില്ലാ വൈസ് പ്രസിഡന്റ് കെ.ആര്. ശ്യാംകുമാര് തുടങ്ങിയവര് പങ്കെടത്തു. ഡോ. ശ്യാമപ്രസാദ് മുഖര്ജി സ്മൃതിദിനമായ 23 മുതല് ജന്മദിനമായ ജൂലൈ ആറുവരെ രാജ്യവ്യാപകമായി ശുചിത്വഭാരതം ആരോഗ്യ ഭാരതം എന്ന സന്ദേശമുയര്ത്തി വ്യക്ഷത്തൈകള് നടും.
