തൃശൂർ: ഗവ. മെഡിക്കല്‍ കോളജ് പരിസരത്ത് എം.ഡി.എം.എ ഉള്‍പ്പടെയുള്ള ലഹരി വസ്തുക്കള്‍ വില്‍പന നടത്തിയ കേസില്‍ അഞ്ചംഗ സംഘം അറസ്റ്റില്‍. സിറ്റി പോലീസ് മേധാവി ആര്‍. ആദിത്യക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ പോലീസ് നടത്തിയ പരിശോധനയിലാണ് സംഘം കുടുങ്ങിയത്.
മങ്ങാട് കോട്ടപ്പുറം പുത്തൂര്‍ വീട്ടില്‍ ജിത്തു തോമസ് (26), മങ്ങാട് കോട്ടപ്പുറം കിഴക്കൂട്ടില്‍ അഭിജിത്ത് (23), നെല്ലുവായി മണ്ണൂര്‍ പനയംപറമ്ബില്‍ ശരത്ത് (24), കാണിപ്പയ്യൂര്‍ മലയംചാത്ത് രഞ്ജിത്ത് (19), കുണ്ടന്നൂര്‍ വടക്കുമുറി എഴുത്തുപുരക്കല്‍ സനീഷ് (24) എന്നിവരാണ് പിടിയിലായത്. പ്രതികള്‍ സഞ്ചരിച്ച കാറും കസ്റ്റഡിയിലെടുത്തു.
ജിത്തു, ശരത്ത്, അഭിജിത്ത് എന്നിവരാണ് കാറില്‍ സഞ്ചരിച്ച്‌ എം.ഡി.എം.എ വില്‍പന നടത്തിയിരുന്നതെന്നും രഞ്ജിത്താണ് മയക്കുമരുന്ന് എത്തിച്ചുകൊടുത്തിരുന്നതെന്നും പോലീസ് അറിയിച്ചു. 5000 മുതല്‍ 10,000 രൂപ വരെ വാങ്ങിയാണ് അര ഗ്രാം എം.ഡി.എം.എ പ്രതികള്‍ ആവശ്യക്കാര്‍ക്ക് എത്തിച്ചുനല്‍കിയിരുന്നത്. സനീഷിനും അഭിജിത്തിനും ശരത്തിനുമെതിരെ കഞ്ചാവ് കേസുകള്‍ നിലവിലുള്ളതായും പോലീസ് അറിയിച്ചു.
പ്രതികരിക്കാൻ ഇവിടെ എഴുതുക: