തിരുവനന്തപുരം: സംസ്ഥാനത്തെ ലോക്ഡൗണ് ഇളവുകളില് ഇന്ന് മുതല് സ്വകാര്യ ബസുകളും സര്വീസ് ആരംഭിച്ചു. ഒറ്റ ഇരട്ട നമ്പറുകളുടെ അടിസ്ഥാനത്തിലാണ് നിലവില് സ്വകാര്യ ബസുകള്ക്ക് അനുമതി നല്കിയിരിക്കുന്നത്. ഇന്ന് ഇരട്ട നമ്പറുകള് ഉള്ള ബസുകള്ക്കാണ് അനുമതിയെന്ന് ഗതാഗത വകുപ്പ് മന്ത്രി ആന്റണി രാജു അറിയിച്ചു.
കോവിഡ് രോഗികളുടെ എണ്ണം കുറഞ്ഞെങ്കിലും രോഗവ്യാപനത്തിന് വീണ്ടും സാധ്യതയുള്ളതിനാലാണ് നിയന്ത്രണങ്ങള് ഏര്പ്പെടുത്തിയിരിക്കുന്നത്. തിങ്കള്, ബുധന്, വെള്ളി ദിവസങ്ങളില് ഇരട്ട അക്ക നമ്പര് ബസുകള്ക്കാണ് സര്വീസ് അനുവദിച്ചിരിക്കുന്നത്. ശനിയും ഞായറും സര്വീസ് അനുവദനീയമല്ല. എല്ലാ സ്വകാര്യ ബസ് ഉടമകളും ഈ നിയന്ത്രണങ്ങളോട് സഹകരിക്കണമെന്ന് ഗതാഗത മന്ത്രി ആവശ്യപ്പെട്ടിട്ടുണ്ട്.
വ്യാഴാഴ്ച മുതല് തന്നെ അതിതീവ്ര രോഗബാധയുള്ള സ്ഥലങ്ങളിലൊഴികെ കെഎസ്ആര്ടിസി സര്വ്വീസ് ആരംഭിച്ചിരുന്നു. 1528 സര്വ്വീസുകളാണ് കെഎസ്ആര്ടിസി വ്യാഴാഴ്ച നടത്തിയത്. കെഎസ്ആര്ടിസി തിരുവനന്തപുരം സോണിന് കീഴില് 712, എറണാകുളം സോണിന് കീഴില് 451, കോഴിക്കോട് സോണിന് കീഴില് 365 സര്വ്വീസുകളാണ് നടത്തിയത്. ആകെ നടത്തിയ 1528 സര്വ്വീസുകളില് 583 ദീര്ഘദൂര സര്വ്വീസുകളാണ്.
നാല്പ്പത് ദിവസത്തെ ഇടവേളയ്ക്ക് ശേഷമാണ് സംസ്ഥാനത്തെ പൊതുഗതാഗത സൗകര്യങ്ങള് നിയന്ത്രണങ്ങളോടെ പുനസ്ഥാപിച്ചിരിക്കുന്നത്. ടെസ്റ്റ് പോസിറ്റിവിറ്റി നിരക്കില് കുറവുള്ള 147 തദ്ദേശസ്ഥാപന പരിധികളിലാണ് ലോക്ഡൗണിന് നിലവില് നിയന്ത്രണങ്ങള് ഉള്ളത്. 25 തദ്ദേശസ്ഥാപനങ്ങളില് ട്രിപ്പിള് ലോക്ഡൗണ് ഏര്പ്പെടുത്തിയിരിക്കുകയാണ്.
