കൊച്ചി : ഹാള്‍മാര്‍ക്കിങ് ഇല്ലാത്ത സ്വര്‍ണം ഇന്ന് മുതല്‍ ജുവല്ലറികള്‍ക്ക് വില്‍ക്കാനാകില്ല. സ്വര്‍ണത്തിന്റെ പരിശുദ്ധി ഉറപ്പാക്കുന്നതിനായാണ് ഈ നടപടി. പുതിയ നിയമം പ്രാബല്യത്തില്‍ വരുന്നതോടെ ഇനി ബിഐഐസ് മുദ്ര പതിപ്പിച്ച സ്വര്‍ണം മാത്രമേ വില്‍ക്കാനാകൂ.
ഈ തീരുമാനം നേരത്തെ കൈക്കൊണ്ടതാണെങ്കിലും നടപ്പാക്കുന്നത് നീണ്ട് പോവുകയായിരുന്നു. ഇതുപ്രകാരം ഇനി മുതല്‍ ബിഐഎസ് ഹാള്‍മാര്‍ക്ക് രജിസ്‌ട്രേഷനില്ലാത്ത കടകള്‍ക്ക് സ്വര്‍ണം വില്‍ക്കാനുമാകില്ല. എന്നാല്‍ ജനങ്ങളുടെ കയ്യിലുള്ള സ്വര്‍ണം വില്‍ക്കുമ്പോള്‍ ഹാള്‍മാര്‍ക്ക് ബാധകമല്ല.
ഹാള്‍ മാര്‍ക്കിങ് സ്വര്‍ണം മാത്രം വിപണിയിലെത്തിയാല്‍ പൊതുജനങ്ങള്‍ക്ക് ശുദ്ധമായ സ്വര്‍ണം കിട്ടാന്‍ കാരണമാകുമെന്ന് കടയുടമകള്‍ പറയുന്നു. അതേസമയം ബിഐസ് ഹാള്‍മാര്‍ക്ക് രജിസ്‌ട്രേഷന്‍ ഇല്ലാത്ത കടയുടമകള്‍ ആശങ്കയിലാണ്. നിലവില്‍ വിപണിയിലുള്ള എല്ലാ സ്വര്‍ണവും ഹാള്‍മാര്‍ക്ക് ചെയ്ത് വില്‍ക്കാനുള്ള അവസരം ഉണ്ടാക്കണമെന്നാണ് ഇവര്‍ ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: