ചാരുംമൂട്: ഒരിടവേളക്കുശേഷം പാലമേല് മറ്റപ്പള്ളി പ്രദേശത്ത് കാട്ടുപന്നികള് കൃഷിയിടങ്ങള് കൈയ്യേറിത്തുടങ്ങി. കഴിഞ്ഞ ഏതാനു ദിവസങ്ങളിലായി മറ്റപ്പള്ളി പടിഞ്ഞാറു ഭാഗത്തും താഴെ ഏലായിലും ഇടകൃഷികള് നശിപ്പിച്ചു.
മറ്റപ്പള്ളി പ്രഭാലയത്തില് മലയില് രാഘവന്റെ വീടിനോടു ചേര്ന്നു നട്ടുവളര്ത്തിയ തെങ്ങില്തൈ പൂര്ണ്ണമായും നശിപ്പിച്ചു.പുരയിടത്തില് നട്ടുവളര്ത്തിയ മഞ്ഞള്ച്ചെടികളും നശിപ്പിച്ച നിലയിലാണ്. ഏലായില് മരച്ചീനികളും മറിച്ചിട്ടു.
ഒറ്റയാന് കാട്ടുപന്നിയാണ് അക്രമത്തിനു പിന്നിലെന്നു കര്ഷകര് പറഞ്ഞു. വിളവെടിപ്പിനു പാകമായ ഇടനിലകൃഷികള് ഈ പ്രദേശങ്ങളിലായി ധാരാളമായിമുണ്ട്. ഇവ കാട്ടുപന്നി നശിപ്പിക്കുമോന്നുള്ള ആശങ്കയിലാണ് കര്ഷകര്.
