ഭോപ്പാല്‍ : ഇന്ത്യയില്‍ നിന്നും വിമാനം തട്ടിയെടുത്ത് പാക്കിസ്ഥാനിലേക്ക് കടത്തിക്കൊണ്ട് പോകുമെന്ന് ഭീഷണി. ഭോപ്പാല്‍, ഇന്‍ഡോര്‍ എന്നീ വിമാനത്താവളങ്ങളില്‍ നിന്നും വിമാനം തട്ടിക്കൊണ്ടുപോയി പാക്കിസ്ഥാന് നല്‍കുമെന്നാണ് ഭീഷണിപ്പെടുത്തിയിരുന്നത്.
ചൊവ്വാഴ്ച വൈകീട്ട് അഞ്ച് മണിയോടെ ഭോപ്പാലിലെ രാജാ ഭോജ് വിമാനത്താവളത്തിലാണ് ഫോണ്‍ വഴി ഭീഷണി സന്ദേശം ലഭിച്ചത്. ഇതോടെ വിമാനത്താവള അധികൃതര്‍ക്ക് ജാഗ്രതാ നിര്‍ദ്ദേശം കൈമാറുകയും ചെയ്തിരുന്നു. തുടര്‍ന്ന് നടത്തിയ അന്വേഷണത്തില്‍ 34കാരനെ മധ്യപ്രദേശ് പോലീസ് കസ്റ്റഡിയിലെടുത്തു. ഇയാളെ ചോദ്യം ചെയ്തുവരികയാണെന്നും ഗാന്ധിനഗര്‍ പോലീസ് സ്റ്റേഷന്‍ ഇന്‍ ചാര്‍ജ് അരുണ്‍ ശര്‍മ അറിയിച്ചു.
ഭീഷണിസന്ദേശത്തെ തുടര്‍ന്ന് ഭോപ്പാല്‍ വിമാനത്താവളത്തിലെ സുരക്ഷ വര്‍ധിപ്പിച്ചതായി അധികൃതര്‍ വ്യക്തമാക്കി. ചൊവ്വാഴ്ച വൈകുന്നേരം ഭോപ്പാലില്‍ നിന്ന് മുംബൈയിലേക്ക് പോകേണ്ട വിമാനം സൂക്ഷ്മപരിശോധനയ്‌ക്ക് ശേഷമാണ് യാത്ര തിരിച്ചത്.
പ്രതികരിക്കാൻ ഇവിടെ എഴുതുക: